Ebe ne Pọl gbẹẹn gie emwa Rom 2:19 - Edo Bible (E Baibol Ẹdo) Version 1996

¹⁹ Ekhọe ruẹ mu ẹẹn nẹ, ighẹ wẹ ọrọre arọndẹ ne iran ni rhu aro, uwanmwẹ ne iran ni rre uwu ebiebi.

Ebe ne Pọl gbẹẹn gie emwa Rom 2:19 ပူးပေါင်းရင်းမြစ်များ

Itan 26:12

Ọzuọ ne ọ ghi wa kọn sẹ vbe ehia, ọ maa sẹ ọmwa ne ọ ro wẹ rẹn wan vbe ne ẹ i na wan hiehiere.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Aizaia 56:10

Ọ wẹẹ, “Avbe emwa hia ne a te wẹ ne iran gha gie odẹ ma emwa mwẹ ehia rhu aro. Iran ma rẹn emwirhọkpa. Iran yevbe avbe ekita abodẹ ne ẹ i gbọọ, iran ghi lovbiẹ fua iran ghi gha mina. U miẹn vbene ovbe rhiẹnrhiẹn iran hẹ!

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Matiu 5:14

“Wa ọrọre uwanmwẹ agbọn na hia, ẹvbo ne a bọ ye uhunmwu oke i gia rhie lẹre.

Matiu 6:23

Sokpan a deghẹ aro ruẹ i maa, ikinnegbe ruẹ hia ghi gha rre uwu ebiebi, u miẹn vbe ebiebi ni gha mu ohan sẹ hẹẹ!

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Jọn 9:34

Iran wanniẹn tama rẹn wẹẹ, “Wẹ ne a biẹe ne avbe koko wan vbe uwu orukhọ, wẹ ọre ọ ghi ra vbe gha ma ima emwi ra?” Iran keghi suare hin Ọgua ediọn rre.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 2:18

U rẹn emwi ne Osanobua ho ne u gha ru, nene Uhi vbe ma ruẹn re nẹ ne u gha dobọ mu emwi ne ọre ne ọkere.

Ebe ne Pọl gbẹẹn gie emwa Rom 2:20

Ne ọ gie odẹ ma enọkọẹn, ọmamwaemwi avbe igbama. Ekhọe ruẹ muẹn nẹ wẹ vbekpa nene Uhi, emwi hia ni rre uwu irẹnmwi kevbe ẹmwata suẹ obọ nẹ fẹẹrẹ.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

I Kọrinti 4:10

Ma khian akpa rhunmwuda Kristi, sokpan wa hia khian umẹwaẹn vbe uwu Kristi! Ma khian ne ọ maa wo vbe egbe, sokpan wa wo vbe egbe! A tila ima an, sokpan, a ya ọghọ ne uwa.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.