Ebe ne Pọl gbẹẹn gie emwa Rom 2:17 - Edo Bible (E Baibol Ẹdo) Version 1996

¹⁷ Wẹ vbo? Ẹ i re Ju ọre u tie egbe ruẹ re, u mu ẹtin yan nene Uhi gha ya Osanobua rhuọ.

Ebe ne Pọl gbẹẹn gie emwa Rom 2:17 ပူးပေါင်းရင်းမြစ်များ

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Matiu 3:9

Wa ghẹ gha roro ighe uwa gha sẹtin mu Ebraham zasa ne uwa muẹn gba ye ukpẹ gha tie, ‘Ivbi Ebraham ma khin.’ Ne I tama uwa wẹ Osanobua gha sẹtin viọ vbe avbe okuta na ya ru uniẹn ne Ebraham.

Iyẹn ne ọ Maan Ọghe Luk 10:28

Jesu wanniẹn wẹẹ, “Ewanniẹn ruẹn gbae, ya gha ru vberriọ, u gha fe.”

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iyẹn ne ọ Maan Ọghe Jọn 5:45

Vbene ọ rhirhi gha ye hẹ, wa ghẹ ro ighẹ I gha ba uwa ifi ẹzọ ma Erha mwẹ. Ọmwa ne ọ ra ba uwa ifi ẹzọ ọrọre Mosis. Mosis nii ne uwa ye aro kọ.

Iyẹn ne ọ Maan Ọghe Jọn 7:19

Mosis gbẹnnẹ Uhi ne uwa, sokpan ọkpa i rrọọ vbe uwu uwa ne ọ ye nene Uhi ru emwi. Vbọzẹ ne uwa na ho ne uwa gbe mwẹ uan?”

Iyẹn ne ọ Maan Ọghe Jọn 8:33

Iran wanniẹn tama rẹn wẹẹ, “Ivbi Ebraham ma khin ma ma he ru ọviẹn ọmwaikọmwa ẹdẹ. Vbe u a ya ẹmwẹ ni kha wẹ, ‘A gha ya uwa khian enọyan egbe ẹre’?”

Iyẹn ne ọ Maan Ọghe Jọn 8:41

Emwi ne erha uwa ru ọre uwa vbe ru.” Iran wanniẹn wẹ, “Osanobua tobọ ẹre ọrọre erha mwa. Ivbi ẹre ma wa khin taa ra.”

Ebe ne Pọl gbẹẹn gie emwa Rom 2:23

U rhuẹ khian ighẹ uhi Osanobua guẹ, sokpan wẹ ye ekhue mu Osanobua vbekpa ne u na rra uhi ẹre ra?

Ebe ne Pọl gbẹẹn gie emwa Rom 3:27

De emwi ne a ghi ra ya rhuọ vbe emwa na yi? Ẹ i rrọọ! Rhunmwuda vbe ọ khin yi? Rhunmwuda ighẹ ọmwa ru vbene nene Uhi kha re nọ ra? Ẹn o, sokpan rhunmwuda ighẹ ọ yayi.

Ebe ne Pọl gbẹẹn gie emwa Rom 9:32

Vbe ọ zẹ yi? Rhunmwuda, vbe emwi ne iran gha ru, iran ma hẹnhẹn egbe yan iyayi, sokpan iran keghi mu ẹtin yan iwinna obọ iran. Iran keghi ya rrua ọwẹ vbe “Okuta ne ọ rrua ọmwa owẹ.”

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Galatia 2:15

Vbe ẹmwata, ivbi eseserese vbe uwu e Ju ma khin ighẹ ẹ i re emwa orukhọ ne ẹ i re Ju.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Arhie Maan 2:9

I rẹn emwi ne ọ kpokpo uẹ. I rẹnrẹn ighẹ ovbiogue ọre u khin sokpan vbe ne ẹmwata, ọmwa ẹfe ọre u khin! I vbe rẹn ẹmwẹ dan ne iran talọ vbe ekpa ruẹ ighẹ iran ni wẹ Ju ọre iran khin, vberriọ iran i re ọre, otu ne Setan yanrẹn ọre iran khin.

Arhie Maan 3:1

“Gbẹn ebe gie odibosa esọsi ne ọ rre Sadis wẹ: “Uhunmwu ne ọ gie rre ọ na khin ighẹ ọmwa ne ọ mwẹ Orhiọn Ihinrọn ọghe Osanobua kevbe avbe orhọnmwẹ ihinrọn. I rẹn emwi ne u ru: I rẹnrẹn ighẹ te a wa kpe ọbọbọ nuẹn ighẹ u rre agbọn, vberriọ, u wu nẹ.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.