Ebe ne Pọl gbẹẹn gie emwa Rom 2:1 - Edo Bible (E Baibol Ẹdo) Version 1996

¹ Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Ebe ne Pọl gbẹẹn gie emwa Rom 2:1 ပူးပေါင်းရင်းမြစ်များ

Iyẹn ne ọ Maan Ọghe Luk 12:14

Jesu wanniẹn wẹẹ, “Ọkpia na, gha ọ rhie asẹ mẹ ne I ya gha bu ohiẹn ra ne I ya gha gha ukhu ne uwa yi?”

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Ebe ne Pọl gbẹẹn gie emwa Rom 14:22

Rhunmwuda ọnii vbene uwẹ a rhirhi roro ẹmwẹ na yi, giẹe gha rre ẹkpo uwẹ vbe Osanobua.

Ebe ne Pọl gbẹẹn gie emwa Rom 2:2

Ma rẹnrẹn wẹ Osanobua gha bu ohiẹn emwa ni ru emwi vbe nian, ohiẹn ẹmwata ọre ọ buru.

Ebe ne Pọl gbẹẹn gie emwa Rom 2:3

Sokpan, wẹ ne ọse mwẹ, wẹ ne ọ ru egbe emwi ne uwẹ bu ohiẹn ọnrẹn gbe emwa ọvbehe na, te uwẹ ro ighẹ ibuohiẹn Osanobua gha la uwẹ baan ra?

Ebe ne Pọl gbẹẹn gie emwa Rom 3:9

A deghẹ erriọ nọ, ọ mwẹ emwi ne ima ne Ju ya maa sẹ avbe iran ne ẹ i re Ju ra khekherriọ? Hiehie re! I ka zẹ ọre uke nẹ wẹ avbe Ju kevbe avbe iran ne ẹ i re Ju, ọkpa ehia khin, ototọ ẹtin orukhọ ọre ehia ye.

Ebe ne Pọl gbẹẹn gie emwa Rom 9:20

Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

I Kọrinti 7:16

Vbe uwẹ a ya rẹn hẹ yi, wẹ ne amwẹ ne ọ yayi, ighẹ u i ra sẹtin miẹn ọdafọn fan? Ra wẹ ne ọdọ ne ọ yayi, vbe uwẹ ya rẹn hẹ ighẹ wẹ i ra sẹtin miẹn amwọ ọn fan?

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

Jems 4:11

Wa ghẹ gha zan egbe etẹn mwẹ, ọmwaikọmwa ne ọ zan ọtiọnrẹn ra ne ọ bu ohiẹn ọnrẹn, ọ zan nene Uhi, ọ keghi vbe gha hu ohiẹn ọnrẹn. A deghẹ wẹ bu ohiẹn nene Uhi, ẹghẹ nii, wẹ i ghi re ne ọ bu vbene nene Uhi kha re, sokpan ne ọ bu ohiẹn ọnrẹn.