Ebe ne Pọl gbẹẹn gie emwa Rom 16:6 - Edo Bible (E Baibol Ẹdo) Version 1996

⁶ Wa we Meri dọ, ọmwa ne ọ mobọ winna ye uwa.

Ebe ne Pọl gbẹẹn gie emwa Rom 16:6 ပူးပေါင်းရင်းမြစ်များ

Matiu 27:55

Ikhuo ni bun keghi rre evba, iran ni lele Jesu ke Galili gha dee, iran ni vbe gha ye ọre obọ, iran keghi mudia ye urria gha ghe emwi ni sunu.

Matiu 5:47

Deghẹ wẹ vbe ose ruẹ ọkpa ọre ọ gba guan ye egbe ẹmwẹ, de okpe emwi ne u ghi ru vba? Iran nigẹbọ vbe ru vberriọ.

Ebe ne Pọl gbẹẹn gie emwa Rom 16:12

Wa giotuẹ Trifaena kevbe Trifosa mẹ, emwa ni winna vbe uwu iwinna Nọyaẹnmwa kevbe Pasis ne ọse mwẹ ne ọ ghan ne ọ winnaẹn ẹsẹse ne Nọyaẹnmwa.

Ebe ne Pọl gbẹẹn gie emwa Rom 16:5

Wa vbe guotuẹ esọsi ne ọ do gha miẹn egbe vbe owa iran. Wa we Epaonetọs ne ọse mwẹ ne ọ ghan do, rẹn ọre ọmwa ne ọ ka gha ye Kristi yi vbe otọ Esia hia.

Ebe ne Pọl gbẹẹn gie emwa Rom 16:7

Wa we Andronikọs kevbe Junias do, avbe Ju ne iho mwa ne ima gba gha rre eghan, avbe ukọ wa rẹn iran ẹsẹse, iran ọre ọ vbe ka gha yayi khẹ mwẹ.

I Tẹsalonaika 5:12

Ma rinmwian uwa etẹn mwẹ, wa gha ya ọghọ ne iran ẹsẹse ighẹ iran ni winna vbe uwu ẹbu uwa, iran ne Osanobua hannọ zẹ ne ọ do gha ma uwa odẹ, kevbe ne iran vbe gha ma uwa emwi.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.