Ebe ne Pọl gbẹẹn gie emwa Rom 16:25 - Edo Bible (E Baibol Ẹdo) Version 1996

²⁵ Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

Ebe ne Pọl gbẹẹn gie emwa Rom 16:25 ပူးပေါင်းရင်းမြစ်များ

Psalm 78:2

I gha ya ẹmwẹ ẹwaẹn rhan otọ emwiọkpaodin ni gberra nẹ.

Daniẹl 2:22

Ọ rhie emwi ni dinmwi kevbe ni re ọghe oro ma emwa ọ rẹn emwi ne a rhie lẹre ye uwu ebiebi, uwanmwẹ ọre ọ lẹga rẹn tobọ irẹn.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Matiu 13:17

Wa yerre ighẹ akhasẹ kevbe emwa Osanobua nibun ọre ọ te gha ho ne iran miẹn emwi ne uwa miẹn na, sokpan iran ma miẹn ọẹn, kevbe ne iran vbe họn emwi ne uwa họn ẹn, sokpan iran ma họn ẹn.

Matiu 13:35

Ọ ru ọna ne ẹmwẹ ne akhasẹ tae miẹn ehe na sẹ wẹẹ, “Mẹ gha kpa itan ya gu iran guan, emwi ne a ma he te rẹn, ke omuhẹn agbọn gha dee, i gha tae ma iran.”

Matiu 20:7

Iran wanniẹn tama rẹn wẹẹ, ‘Ma ma miẹn ọmwa ne ọ viọ ima ye iwinna.’ Ọ khama iran wẹẹ, ‘Wa vbe gha rrie ugbo mwẹ khekherriọ.’

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 14:4

Vbe uwẹ a ke rre yi ne ọ bu ohiẹn ọguọmwadia ẹrrẹe. Arowa ẹre ọ ra tae a deghẹ ọ ru ne a gban ra deghẹ te ọ bubu ua. Ẹi mwẹ ọ ma ru na gban, rhunmwuda Osanobua gha giẹe ru na gban.

Ebe ne Pọl gbẹẹn gie emwa Rom 16:24

Te ẹsọhẹ Nọyaẹnmwa Jesu Kristi gha guwa gha rrọọ. Isẹ.]

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

II Kọrinti 4:3

Rhunmwuda, a deghẹ iyẹn ne ọ maa ne ima kpe orhu ẹre, re emwi ne a rhie lẹre, obọ iran ni ra fuan ọre ọ na re emwi ne a rhie lẹre.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Galatia 2:2

Te I gha khian, rhunmwuda ighẹ Osanobua rhie ma mwẹ ne I gha khian. Ugbẹn vbe imẹ vbe avbe ọkaolotu ghi si egbe uma, I keghi rhan otọ iyẹn ne ọ maa ne I kpe orhu ẹre ma iran ne ẹ i re Ju, ma iran. I ma ho ne iwinna ne I ka winna nẹ, ra ne iwinna vbe obọ na, khian ne ọ la ọrhiae rrie.

Ẹfisọs 1:9

Osanobua keghi wa ru zẹ vbe ne ọ ye ekhọe mwamwa ẹn, ọ keghi gie ima rẹn emwamwa ne irẹn mwamwa ẹn vbe ẹkhokho, ne ọ wẹ rẹn gha la ekpa Kristi ya khian ne a ru gba.

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

Ẹfisọs 3:9

Kevbe ne I ma emwa hia vbene a ra ya mu ẹn sẹ hẹ ighẹ emwamwa ẹkhokho ne Osanobua mwamwa ẹn. Osanobua ne Ayi ne ọ yi emwi hia keghi rhie emwamwa ẹkhokho ọghọe na lẹre ke ne ẹkpo mwẹ arria gha dee.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

II Tẹsalonaika 2:14

Iyẹn Ne ọ maa ne ima kpe orhu ẹre ma uwa, ọre Osanobua ya tie uwa ye ọna, ọ keghi tie uwa do rhie oghae uwa vbe uyi Nọyaẹnmwa Jesu Kristi.

II Tẹsalonaika 3:3

Sokpan ọmwa ne ọ gia mu ẹtin yan ọre Nọyaẹnmwa khin, ọ gha ya uwa wo vbe egbe, ọ ghi vbe miẹn uwa fan vbe obọ Ọmwa Dan nii.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

II Timoti 2:8

Ye Jesu Kristi rre, ọmwa ne a huẹn kpaegbe vbe orinmwi, ovbi uniẹn Devid, zẹ vbene a ta ẹe vbe Iyẹn Ne ọ maa ne I kpe orhu ẹre.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

Arhie Maan 10:7

Sokpan, ẹkpo ne odibosa ne ogihinrọn gha na fian okpe ọghọe re, Osanobua gha mu emwamwa ẹkhokho ẹre sẹ, zẹẹ vbene ọ tama avbe akhasẹ ne eguọmwadia ẹre.”