Ebe ne Pọl gbẹẹn gie emwa Rom 16:17 - Edo Bible (E Baibol Ẹdo) Version 1996

¹⁷ Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

Ebe ne Pọl gbẹẹn gie emwa Rom 16:17 ပူးပေါင်းရင်းမြစ်များ

Matiu 18:17

Sokpan deghẹ ọ ma vbe zẹ ye iran ẹre, ya gui ẹzọ ruẹ hia ma esọsi. Deghẹ ọ ma vbe zẹ ye esọsi re, u ghi wa kae ba ọrriọvbe ra iran ni koko igho uhunmwu.

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iyẹn ne ọ Maan Ọghe Luk 17:1

Jesu tama avbe erhuanegbe ẹre wẹẹ, “Ẹ i mwẹ ne emwi ne ọ ya ọmwa ru orukhọ ghẹ sunu, sokpan ọ sọ re ighe ọmwa ne a gha lẹ ọre ginna re obọ!

Iwinna 15:24

Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ.

I Kọrinti 11:18

Vbe ne okaro, a tama mwẹ wẹ otu ni gu egbe suan rre uwu esọsi uwa, I keghi vbe yayi vbe obọ ọkpa ighẹ ẹmwata nọ.

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

Galatia 2:4

A gha rhe miẹn wẹ, emwa eso ni tie egbe iran etẹn mwa ni deba ima, te gha ho ne iran rhuẹ ọre. Iran na keghi rẹnrẹn la uwu ẹbu zẹ vbe ọ rhẹ, ne iran do ghe vbene ima ghi re emwa ni fanmwẹ egbe ua hẹ, rhunmwuda ighẹ ma ye egbe ba Jesu Kristi. Iran te ho ne iran ye ima khian eviẹn.

Filipai 3:17

Etẹn mwẹ, wa hia gha ghe mwẹ ru emwi. Ma rhie igiemwi esi ye otọ ne uwa nẹ, rhunmwuda ọnii, wa gha ye iran ni lele ẹe ẹro.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

II Tẹsalonaika 3:6

Ma ya eni Nọyaẹnmwa Jesu Kristi yi iyi ma uwa etẹn mwa, wa gha bi egbe ne avbe etẹn ni lo ẹdẹ iran hia ye oroho ne a si, iran ne ẹ i ya ẹmwẹ ne ima tama iran ru emwi.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 3:10

Ọmwa ne ọ si iwannegbe rre, u ghi tie ẹre gu ẹe guan igbaeva, vbe iyeke ọnii, u ghi wa zobọ vbe egbe ẹre fẹẹrẹ.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.