Ebe ne Pọl gbẹẹn gie emwa Rom 16:13 - Edo Bible (E Baibol Ẹdo) Version 1996

¹³ Wa we Rufọs do, ọmwa ne iwinna rẹn rhie ugbaro maa vbe uwu iwinna Nọyaẹnmwa, kevbe iye ẹe ne ọ wa ya mwẹ ye ọmọ.

Ebe ne Pọl gbẹẹn gie emwa Rom 16:13 ပူးပေါင်းရင်းမြစ်များ

Matiu 20:16

Jesu keghi gbe ẹe wanniẹn wẹẹ, “Erriọ ye zẹẹ. Ikaro gha khian ikiekie, ikiekie gha khian ikaro.”

Iyẹn ne ọ Maan Ọghe Mak 15:21

Iran keghi do khian dekun okpia ọkpa ne a tie ẹre Saimọn vbe odẹ, igue ọ re ọ ke die adesẹ ore ẹvbo, iran keghi ya ẹtin mu ẹn ne ọ mu ugbugbe Jesu. (Ovbi e Sairin ọre Saimọn na khin, rẹn ọ re erha Alẹkzanda kevbe Rufọs.)

Iyẹn ne ọ Maan Ọghe Mak 3:35

Rhunmwuda, ọmwaikọmwa ne ọ ru emwi ne Osanobua ho ọrọre ọtẹn mwẹ nokpia, ọtẹn mwẹ nokhuo kevbe iye mwẹ.”

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 19:27

Ọ keghi vbe tama ọrhuanegbe nii wẹẹ, “Ghe iye uẹ” ke ẹghẹ ni kpao, ọrhuanegbe nii keghi rhie ẹre gha rrie owa ne ọ ya tota ke irẹn.

Ebe ne Pọl gbẹẹn gie emwa Rom 16:12

Wa giotuẹ Trifaena kevbe Trifosa mẹ, emwa ni winna vbe uwu iwinna Nọyaẹnmwa kevbe Pasis ne ọse mwẹ ne ọ ghan ne ọ winnaẹn ẹsẹse ne Nọyaẹnmwa.

Ebe ne Pọl gbẹẹn gie emwa Rom 16:14

Wa we Asinkritọs do, kevbe Flegon, Hẹmis, Patrobas, Hemas deba etẹn ne ikpia ni yayi ni rre ehe ne iran ye.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

I Timoti 5:2

avbe ikhuo ni wan sẹ ruẹ, zẹ vbe iye, ikhuo ne u wan sẹ, vbe etẹn ne ikhuo, gha gu iran yi uyinmwẹ ne ọ ma gbe iruẹn.

II Jọn 1:1

Ọmwa nii ne ọre Ediọn ọre ọ gbẹn ebe na gie okpokhuo nii, ke ẹe kevbe ivbi ẹre ne I ho ẹmwẹ ọnrẹn ẹsẹse. Ẹ i re mẹ ọkpa, sokpan emwa hia ne ọ ghi rẹn ẹmwata nẹ, ọre ọho ẹmwẹ ruẹn.