Ebe ne Pọl gbẹẹn gie emwa Rom 15:8 - Edo Bible (E Baibol Ẹdo) Version 1996

⁸ Ne I tama uwa wẹ Kristi khian ọguọmwadia iran ne Ju ne ọ miẹn ehe na rhie maa wẹ Osanobua i hiẹ ọmwa, ne ẹmwẹ ne ọ tama avbe erha mwa odede miẹn ehe na sẹ.

Ebe ne Pọl gbẹẹn gie emwa Rom 15:8 ပူးပေါင်းရင်းမြစ်များ

Itan 8:7

Emwata ọre I ta. Te ohoghe sọnnọ mwẹ.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Matiu 15:24

Jesu keghi wanniẹn wẹẹ, “Ohuan ni wiri ni rre ivbi Izrẹl ọkpa ọre a gie mwẹ bu gha dee.”

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.

Ebe ne Pọl gbẹẹn gie emwa Rom 11:30

Zẹ vbe ọghe uwa ne ẹ i re Ju, wa ma ka họn ẹmwẹ Osanobua ẹghẹ nii, sokpan, banbanna nian, wa miẹn itohan Osanobua rhie, rhunmwuda, ne avbe Ju ma na họn ẹmwẹ.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Ebe ne Pọl gbẹẹn gie emwa Rom 3:26

Sokpan banbanna nian, vbe ẹghẹ ne a ghi ye na, ọ rhuan orukhọ emwa ne agbọn ghe, ne ọ miẹn ehe na rhie maa iran ighẹ rẹn ya emwa khian emwata vbe odaro irẹn. Odẹ vbe nian ọre Osanobua ya rhie maa ighẹ ọmwata ọre irẹn tobọ ẹre khin, kevbe wẹ ọmwaikọmwa ne ọ mu ẹtin yan Jesu, te irẹn ya ẹe khian ọmwata.

Ebe ne Pọl gbẹẹn gie emwa Rom 3:3

A deghẹ eso vbe uwu iran ghi khian ne ọ hiẹ ọmwa vbo? Te ọnii ghi rhie maa ighẹ Osanobua gha vbe rhunmwuda ọnii hiẹ ọmwa ra?

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

I Kọrinti 1:12

Gu mwẹ wa tae vbe nian wẹ ẹmwẹ ughughan wa hia ta. Orhiọnkpa ghi wẹ, “Otu e Pọl mẹ ye,” ọmwa ọvbehe ghi vbe wẹẹ, “Otu Apọlọs mẹ ye.” Eso ghi vbe wẹ, “Otu e Pita mẹ ye,” eso ghi vbe wẹ, “Otu e Kristi mẹ ye.”

I Kọrinti 10:19

De emwi ne I yae kha yi? Wẹ ẹbọ ra emwi ne ya ru ẹe mwẹ esa?

I Kọrinti 10:29

Ẹ i re osẹe ekhọe ọ wuẹ ọre I kha, sokpan ọghe ọmwa nii. Ọmwa ọkpa sẹtin kha wẹ, “Vbe ọ zẹ ne ekhọe ọmwa ọvbehe gha na mu idobo yọmwẹ egbe vbe emwi ne I ru yi?

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.