Ebe ne Pọl gbẹẹn gie emwa Rom 15:4 - Edo Bible (E Baibol Ẹdo) Version 1996

⁴ Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Ebe ne Pọl gbẹẹn gie emwa Rom 15:4 ပူးပေါင်းရင်းမြစ်များ

Psalm 102:18

Wa gbẹnnẹ iwinna ne Nọyaẹnmwa winnaẹn ye otọ, ne avbe orre ni dee, vbene emwa ne a ma he biẹlẹ, gha na rho ẹre.

Psalm 119:50

Ọ fu mwẹ ẹko rre ya sẹ egbe ẹghẹ ne I na gha rre uwu ibaro rhunmwuda, eyan ruẹn rhie arrọọ mẹ.

Habakọk 2:2

E Nọyaẹnmwa keghi wanniẹn mwẹ ẹmwẹ vbenian wẹẹ, “Emwi ne I rhie ma ruẹn, gbẹnnẹ ọẹn ẹse ye uhanhan vbene ọ gha na wa gie a gha tie ọwarọkpa.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

I Kọrinti 10:11

Emwi na hia sunu ne a ya rhie igie emwi ne emwa ọvbehe, a keghi gbẹnnẹ ọẹn ye otọ zẹ vbe ne a ya bu ima ude. Rhunmwuda, ẹghẹ ima keghi re ẹghẹ ne ufomwẹ na sẹ otọ fo nẹ.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.