Ebe ne Pọl gbẹẹn gie emwa Rom 15:31 - Edo Bible (E Baibol Ẹdo) Version 1996

³¹ Wa na erhunmwu ne a miẹn mwẹ fan vbe obọ iran ni ma yayi ni rre Judia, kevbe ne iwinna ne I gha winna vbe Jerusalẹm gie iran ne emwa Osanobua ni rre evba rhan obọ miẹn.

Ebe ne Pọl gbẹẹn gie emwa Rom 15:31 ပူးပေါင်းရင်းမြစ်များ

Iwinna 22:24

Ọkaokuo e Rom nii keghi wẹ ne emwa rẹn rhie Pọl la uwu owa ne gbain, ne iran gbe ẹre asan ne a miẹn ehe na rẹn emwi ne ọ zẹe ne avbe Ju na wa go yan rẹn vbe nian na.

Iwinna 25:2

Evba nii ọre avbe igie ohẹn kevbe avbe olotu e Ju na vbe gui ẹzọ Pọl ma rẹn.

Iwinna 25:24

Fẹstọs keghi kha wẹẹ, “Agripa ne ọba, kevbe uwa hia ni gu ima rre emwa na, wa ghe okpia na, rẹn ọre avbe Ju hia ni rre edinran kevbe ni rre Jerusalẹm do gui ẹzọ ẹre ma mwẹ. Iran gha go wẹ ne a ghẹ gi ẹe di agbọn na ya.

Iwinna 9:13

Ananaias keghi wanniẹn wẹẹ, “Ẹ i re avbiẹ ẹvbo ọ he ta ẹmwẹ ọmwa na ma mwẹ, uza ne ọ he zẹ vbe egbe emwa ruẹn ni rre Jerusalẹm.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ebe ne Pọl gbẹẹn gie emwa Rom 15:25

Vbene ọ rhirhi gha ye hẹ, I he rrie Jerusalẹm ne I ya ga emwa Osanobua ni rre evba.

I Kọrinti 16:15

Wa rẹn Stefanas kevbe ẹgbẹe ọre, iran ọre emwa ni ka gha yayi vbe Gris, iran keghi wa mu egbe ye ẹmwẹ ne a gha ga emwa Osanobua. Wa lahọ etẹn mwẹ,

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

II Kọrinti 8:4

Iran rinmwian ima, iran keghi tua unu mu ẹn wẹ ne a rhie otọ ne iran vbe ya gha mwẹ obọ vbe uwu iyobọ ne a gha ru gie iran ne emwa Osanobua ni rre Judia.

II Kọrinti 9:1

Ne a ghẹ wẹ I ma zẹdẹ gbẹn ebe gie uwa nọ, vbe ekpa iyobọ ne a ra ru gie emwa Osanobua ni rre Judia.

II Kọrinti 9:13

Kevbe rhunmwuda emwi ne ọ ghi la ekpa iwinna uwa na vẹ ne agbọn rẹn, emwa ni bun ghi rhie uyi ne Osanobua ye ẹmwẹ iyẹn ne ọ maa ọghe Kristi ne ọ rre uwa ekhọe, kevbe ne uwa vbe yayi, kevbe obọ ẹse ne ọ tọlọ uwa ghe iran, kevbe emwa ọvbehe.

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!

II Tẹsalonaika 3:2

Wa vbe na erhunmwu, ne Osanobua miẹn mwẹ fan vbe obọ emwa dan ne ekhọe dan, rhunmwuda, ẹ i re emwa hia ọre ọ ya nene ẹmwẹ yi.

II Timoti 3:11

Ukpokpo ne a rhie mẹ, kevbe oya ne I re. U rẹn emwi ne ọ sunu vbe egbe mwẹ hia vbe Antiọk, Aikoniọm, kevbe Listra. Ukpokpo nọkhua ne I ya egbe miẹn. Sokpan Nọyaẹnmwa keghi miẹn mwẹ fan vbe ehia.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.