Ebe ne Pọl gbẹẹn gie emwa Rom 15:30 - Edo Bible (E Baibol Ẹdo) Version 1996

³⁰ Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

Ebe ne Pọl gbẹẹn gie emwa Rom 15:30 ပူးပေါင်းရင်းမြစ်များ

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

II Kọrinti 1:11

Vbene uwa na ya erhunmwu uwa ye ima obọ, ọ re a gha na miẹn wẹ, a gha họn erhunmwu ni bun ne a na ne ima, Osanobua gha vbe fiangbe ima, emwa ni bun ghi tọn urhu mu ya kpọnmwẹ ọẹn ne ima.

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

II Kọrinti 4:11

Vbe ẹdẹ agbọn mwa hia, ma rhie uhunmwu da uwu, rhunmwuda Jesu, ne arrọọ ọghọe miẹn ehe na rhie egbe maa vbe egbe ne ọ sẹtin wu ọghe ima na.

II Kọrinti 4:5

Rhunmwuda, ẹ i re egbe ima ma kpe orhu ẹre, ma kpe orhu Jesu Kristi zẹ vbe Nọyaẹnmwa, kevbe ima tobọ mwa zẹ vbe eguọmwadia uwa vbe ekpa Jesu.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Filipai 2:1

Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

Kọlose 1:8

Ọ tama ima vbene Orhiọn rhie aho ẹmwẹ ọmwa ne uwa hẹẹ.

Kọlose 2:1

Wa gun mwẹ tama uwa, vbene I he kakabọ winna ne uwa, kevbe emwa ni rre Laodisia sẹ hẹẹ, kevbe emwa hia ni ma he rẹn mwẹ vbe aro.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

I Tẹsalonaika 5:25

Etẹn mwa, wa vbe gha na erhunmwu ne ima.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.