Ebe ne Pọl gbẹẹn gie emwa Rom 15:26 - Edo Bible (E Baibol Ẹdo) Version 1996

²⁶ Rhunmwuda, avbe esọsi ni rre Masidonia kevbe Gris ya ẹkoata zẹ emwi obọ ne iran ya ye ivbi ogue ni rre uwu emwa Osanobua ni rre Jerusalẹm obọ.

Ebe ne Pọl gbẹẹn gie emwa Rom 15:26 ပူးပေါင်းရင်းမြစ်များ

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Itan 14:31

U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.

Itan 17:5

U gha ya ivbiogue gbe ogiẹ, te u zan Osanobua ne ọ yi iran. A gha rri uwẹ oya adeghẹ te uwẹ ghọghọ ye emwi ne ọ rruan ọmwa ọvbehe.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 26:11

Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia.

Iyẹn ne ọ Maan Ọghe Luk 14:13

U gha le evbare, ya tie avbe ivbiogue, avbe arọe, avbe uke kevbe arhuaro,

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iwinna 16:12

Ma keghi vbe ke evba la uwu ẹre gha rrie Filipai, ẹvbo ne ọ rre ototọ Rom. Ma gbe sẹ omwa ikpẹdẹ eso vbe ẹvbo nii.

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 9:13

Ananaias keghi wanniẹn wẹẹ, “Ẹ i re avbiẹ ẹvbo ọ he ta ẹmwẹ ọmwa na ma mwẹ, uza ne ọ he zẹ vbe egbe emwa ruẹn ni rre Jerusalẹm.

I Kọrinti 16:15

Wa rẹn Stefanas kevbe ẹgbẹe ọre, iran ọre emwa ni ka gha yayi vbe Gris, iran keghi wa mu egbe ye ẹmwẹ ne a gha ga emwa Osanobua. Wa lahọ etẹn mwẹ,

I Kọrinti 16:5

I gha rrie odọghe uwa vbe I a ghi la Masidonia fo nẹ, rhunmwuda odẹ Masidonia ọre I ra la.

II Kọrinti 1:16

I keghi te mwamwa ẹẹn ne I do miẹn uwa aro vbe I a gha rrie Masidonia kevbe I a gha ke ọe dee, ne uwa miẹn ehe na ru iyobọ mẹ vbe okhian ne I khian rrie Judia.

II Kọrinti 11:9

Ẹghẹ ne I na gha rre ehe ne uwa ye, a deghẹ igho i gue mwẹ, I ma vbe ya ye uwa egbe, rhunmwuda, etẹn ni ke Masidonia rre viọ emwi ne I i te mwẹ hia gun mwẹ. Zẹ vbe ne I ka ru ẹe, vbe ẹghẹ ne ọ gberra, erriọ I ra ye gha ru ẹe vbe ẹghẹ ne a ọ dee. I i ra kun enegbe mwẹ yan uwa.

II Kọrinti 2:13

Sokpan, ekhọe mwẹ ma sẹ otọ hiehie, rhunmwuda ne I ma na miẹn Ọtẹn mwa ighẹ Taitọs. I keghi rhunmwuda ọnii gbe ọkhian ẹdẹ hia ne iran ni rre evba, I na gha rrie Masidonia.

II Kọrinti 7:5

Uhin vbe ima sẹ Masidonia nẹ, ma ma ye hẹ wẹ, Orueghe gba ehe hia, ẹzọ ne a gu emwa ọvbehe gui, afianma ne ọ fian ọmwa vbe ekhọe.

II Kọrinti 9:12

Rhunmwuda, iwinna ne uwa winna na, ẹ i re wẹ wa yae rrọ emwa Osanobua rre ọkpa, sokpan ọ kevbe gie ekpọnmwẹ ọkpọnmwẹ ẹse gha tue ladian ghe Osanobua.

II Kọrinti 9:2

Mẹ rẹnrẹn wẹ wa ho ne uwa ru iyobọ, I vbe ye uwa rhuọ ma esọsi ne ọ rre Masidonia nẹ, I na tama iran, “Ne ukpo gha dee ọre etẹn mwa ni rre Gris ghi mu egbe ne iran ya ru iyobọ.” Isasegbe uwa keghi rhie isasegbe ne ni bun vbe uwu iran.

II Kọrinti 9:4

Ra deghẹ ẹ i re vberriọ, a deghẹ emwa Masidonia lele mwẹ rre, iran na do vba ighẹ wa ma he mu egbe, u miẹn vbene ekhue gha mu ima hẹẹ, ne a ghẹ zẹdẹ ta ọghe emwi ekhue uwa, ne ima na wa ye obọ so udu ye ẹmwẹ uwa vberriọ.

Filipai 4:15

Wa ne emwa Filipai tobọ uwa rẹnrẹn ẹsẹse wẹ, ẹghẹ ne I na kpao vbe Masidonia rre, vbe ẹghẹ ne a na wa da suẹn gha kpe orhu Iyẹn Ne ọ maa, wa ọkpa ọrọre esọsi ne ọ yọ mwẹ obọ, wa ọkpa ọre ọ gun mwẹ ghae vbe ere ne I re kevbe emwi ne ọ wi mwẹ.

I Tẹsalonaika 1:7

Wa keghi do khian ne emwa ni yayi hia ni rre Masidonia kevbe Gris ghi ghe ru.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.

I Tẹsalonaika 4:10

Erriọ zẹẹ ọre uwa vbe gha yin ghe etẹn hia ni rre Masidonia. Te ima ghi rinmwian uwa na etẹn, ne uwa ru ne ọ sẹ ọnii.

I Timoti 1:3

I ho ne u tota vbe Ẹfisọs, zẹ vbe ne I ka tama ruẹn ẹghẹ ne I na gha gberra rrie Masidonia. Emwa eso vbe evba ma emwa iruẹmwi ohoghe, u ghi wẹ ne iran da obọ ẹre yi.

Failimọn 1:5

Rhunmwuda I họn ẹmwẹ aho ẹmwẹ ọmwa ne u mwẹ ghe emwa Osanobua hia, kevbe iyayi ne u mwẹ vbe uwu Nọyaẹnmwa Jesu.