Ebe ne Pọl gbẹẹn gie emwa Rom 15:25 - Edo Bible (E Baibol Ẹdo) Version 1996

²⁵ Vbene ọ rhirhi gha ye hẹ, I he rrie Jerusalẹm ne I ya ga emwa Osanobua ni rre evba.

Ebe ne Pọl gbẹẹn gie emwa Rom 15:25 ပူးပေါင်းရင်းမြစ်များ

Iwinna 18:21

Sokpan, ọ ghi ra kpao ọ tama iran wẹ, “A deghẹ Osanobua ho ro, I gha dọlegbe bu uwa rre,” ọ na la okọ kpao vbe Ẹfisọs.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 20:16

Pọl keghi te wẹ ne iran gua okọ la odẹ Ẹfisọs ne a ghẹ vbe mu ẹghẹ rhia vbe ikinkin Esia. Rẹn keghi wa tua okhian ne ọ miẹn ehe na rherhe sẹ Jerusalẹm, a deghẹ ọ gia ru vbe ẹdẹ Pẹntikọst zẹẹ.

Iwinna 20:22

Wanwanna nian, I rrie Jerusalẹm vbene Orhiọn Ne Ọ Huanrẹn gie mwẹ, vbene I ma na rẹn emwi ne ọ gha ruan mwẹ vbe odọ.

Iwinna 24:17

“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.

Iwinna 9:13

Ananaias keghi wanniẹn wẹẹ, “Ẹ i re avbiẹ ẹvbo ọ he ta ẹmwẹ ọmwa na ma mwẹ, uza ne ọ he zẹ vbe egbe emwa ruẹn ni rre Jerusalẹm.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

I Kọrinti 16:4

I gha ghe ẹre ighẹ, ọ vbe kei ne imẹ yo, iran ghi lele mwẹ gha khian.

II Kọrinti 8:4

Iran rinmwian ima, iran keghi tua unu mu ẹn wẹ ne a rhie otọ ne iran vbe ya gha mwẹ obọ vbe uwu iyobọ ne a gha ru gie iran ne emwa Osanobua ni rre Judia.

II Kọrinti 8:6

Rhunmwuda ọnii, ọre ima na wẹ ne Taitọs, ọmwa ne ọ suẹn iwinna na, ne ọ wa gha ya ẹe khian, ne ọ gu uwa winna iwinna aho ẹmwẹ ọmwa na sẹ ufomwẹ.

Galatia 2:10

Emwi ọkpa ne iran ghi kha ọrọre wẹ, ne ima gha ye avbe emwa ne ẹ i mwẹ ni rre ehe ne iran ye rre, mẹ ka tobọ mwẹ mu aro yọ nẹ ne I ru ọnọna.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.