Ebe ne Pọl gbẹẹn gie emwa Rom 15:24 - Edo Bible (E Baibol Ẹdo) Version 1996

²⁴ I mwẹ idaehọ ighẹ I gha ru vberriọ nian. I gha do miẹn uwa aro vbe i a gha rrie Spen, ne uwa miẹn ehe na ru iyobọ mẹ ne I ya sẹ odọ vbe I gha ghi tuẹ uwa kpẹe nẹ kherhe.

Ebe ne Pọl gbẹẹn gie emwa Rom 15:24 ပူးပေါင်းရင်းမြစ်များ

Itan 25:17

Ghẹ kpẹkpẹ gbe vbe otuẹ ne u mu gie emwa ẹdogbo ruẹ, egbe ruẹ sẹtin wọ ẹre, ọ ghi do gha mu ohu ruẹ.

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 19:21

Emwi na ghi sunu nẹ, Pọl na wẹ rẹn ra khian lele Masidonia kevbe Gris ne ọ vbe la odọ gha rrie Jerusalẹm. Ọ keghi kha wẹ, “I gha sẹ evba nẹ, I gha vbe sẹ e Rom.”

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Ebe ne Pọl gbẹẹn gie emwa Rom 1:12

Emwi ne I yae kha ọrọre wẹ ne a gba ru iyobọ ne egbe, ne iyayi mwẹ ya uwa obọ kevbe ne ọghe uwa vbe ye imẹ obọ.

Ebe ne Pọl gbẹẹn gie emwa Rom 15:28

I gha ghi winna iwinna na fo nẹ, ighẹ I ghi viọ igho hia ne a koko ne iran ye iran obọ nẹ, I ghi gha rrie Spen, I gha khian nii ọre I gha na do van tuẹ uwa.

II Kọrinti 1:16

I keghi te mwamwa ẹẹn ne I do miẹn uwa aro vbe I a gha rrie Masidonia kevbe I a gha ke ọe dee, ne uwa miẹn ehe na ru iyobọ mẹ vbe okhian ne I khian rrie Judia.

III Jọn 1:6

Iran wa ta ẹmwẹ aho ẹmwẹ ọmwa ne u mwẹ ghe esọsi sẹ edinran, lahọ, u ghi ru iyobọ ne iran ne iran ya gha khian, zẹ vbe ne ọ gha yẹ Osanobua.