Ebe ne Pọl gbẹẹn gie emwa Rom 15:19 - Edo Bible (E Baibol Ẹdo) Version 1996

¹⁹ La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Ebe ne Pọl gbẹẹn gie emwa Rom 15:19 ပူးပေါင်းရင်းမြစ်များ

Matiu 12:28

Sokpan Orhiọn Osanobua ọre ọ rhie asẹ mẹ ne I ya gha khulo orhiọn esu ladian, ọ ni rhie ma nian ighe Arriọba Osanobua rre ke uwa yi nẹ.

Iyẹn ne ọ Maan Ọghe Jọn 4:48

Jesu tama rẹn wẹ, “Deghẹ ẹ i re te uwa miẹn iwinna ọyunnuan nekhua, a i miẹn ne ọ gha sẹtin yayi vbe uwu uwa.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 13:14

Iran ghi kpao vbe Pẹga rre, iran na gha die Antiọk ne ọ rre Pisidia, ọ ghi sẹ Ẹdẹ Ikẹtin, iran keghi la uwu Ọgua ediọn ya tota.

Iwinna 13:51

Avbe ukọ keghi bọnmwẹ ekhae ni rre iran owẹ kua ne iran, iran na gha rrie Aikọniọm.

Iwinna 14:10

Ọ davan wẹẹ, “Kpaegbe ye owẹ ruẹ mudia!” Okpia ni keghi san kpaegbe, ọ na gha khian yo khian re.

Iwinna 14:20

Sokpan ivbi iyayi ghi do lẹga ẹre, ọ keghi guakpao, ọ na werriegbe gha rrie ore ẹvbo. Ikpẹdẹ ne ọ lele ẹe, rẹn vbe Banabas keghi gba gha rrie Dẹbi.

Iwinna 14:25

Iran keghi kpe orhu ẹmwẹ ni vbe Pẹga, iran na gha rrie Atalia.

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 15:12

Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju.

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:15

Emwa ni rhie Pọl gha khian keghi lele ẹe sẹ Atẹns. Iran ghi werriegbe rrie Bẹrea, Pọl keghi gie iran uhunmwu ne iran tama Sailas kevbe Timoti ne iran rherhe bu irẹn gha dee.

Iwinna 18:1

Vbe iyeke emwi na na, Pọl keghi kpao vbe Atẹns rre, ọ na gha rrie Kọrinti.

Iwinna 18:19

Iran ghi sẹ Ẹfisọs, Pọl keghi sẹ Priskila kevbe Akuila rae vbe evba, ọ kegha rrie Ọgua ediọn, ọ keghi ya gha gu avbe Ju guan.

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 20:20

Wa rẹnrẹn wẹ vbe uwu emwi hia ne ọ gha ma uwa egbe, ọkpa ne I ke ya ẹ i rrọọ vbe ne I na gha kpe orhu, I keghi vbe gha ma emwa emwi vbe adesẹ ore kevbe dọmwadẹ owa uwa.

Iwinna 20:6

Ma keghi gua okọ kpao vbe Filipai vbe iyeke Emwiukpo Ebrẹd Ne ọ ma hue. Ọ ghi rre ikpẹdẹ isẹn, ma keghi ya vbe iran vbe Troas, ma na gbe uzọla ọkpa vbe evba.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 15:16

Ọnii nọ wẹ ne I gha re ọguọmwadia Jesu Kristi ne ọ gha winna ne iran ne ẹ i re Ju. Mẹ ghi gha kpe orhu Iyẹn Ne ọ maa Osanobua zẹ vbe ohẹn, ne iran ne ẹ i re Ju sẹtin do gha re emwi izọ ese ne ọ gie Osanobua rhan obọ miẹn, kevbe ne Orhiọn Ne Ọ Huanrẹn ya fi ohan nẹẹn.

Ebe ne Pọl gbẹẹn gie emwa Rom 15:24

I mwẹ idaehọ ighẹ I gha ru vberriọ nian. I gha do miẹn uwa aro vbe i a gha rrie Spen, ne uwa miẹn ehe na ru iyobọ mẹ ne I ya sẹ odọ vbe I gha ghi tuẹ uwa kpẹe nẹ kherhe.

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.

II Kọrinti 12:12

Avbe emwi ni rhie maa ighẹ ukọ ọre I khin, i ziengbe ọre a ya winnaẹn vbe uwu ẹbu uwa avbe ama ọyunnuan kevbe iwinna ọyunnuan.

Galatia 3:5

Ẹghẹ ne Osanobua na rhie nene Orhiọn ne uwa, ne ọ na vbe winna iwinna ọyunnuan vbe ehe ne uwa ye, te ọ ru ẹe ra rhunmwuda ighẹ uwa ru vbene nene Uhi kha re, ra rhunmwuda ighẹ wa họn nene iyẹn ne ọ maa wa na vbe yae yi?

Kọlose 1:25

Osanobua vbe ya mwẹ ru ọguọmwadia esọsi nẹ, ọmwa ne ọ mu iwinna na mẹ winna, ne umamwẹ uwa. Ne iwinna ọrọre ne a gha ta ẹmwẹ nene iyẹn ne ọ maa ọta fo.

I Tẹsalonaika 1:5

Rhunmwuda, ẹ i re ẹmwẹ ne a guan ọkpa ma ya kpe orhu Iyẹn Ne ọ maa ni ma uwa, sokpan, ẹtin kevbe Orhiọn Ne Ọ Huanrẹn deba ẹmwata ne ẹmwata ne ọ rrọ. Ọna vbe gha re ne aro dae fo fẹẹrẹ, wa rẹn vbene ima gha ru hẹẹ, ẹghẹ ne ima na gha rre ehe ne uwa ye, rhunmwuda umamwẹ ọwua nọ.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.