Ebe ne Pọl gbẹẹn gie emwa Rom 15:18 - Edo Bible (E Baibol Ẹdo) Version 1996

¹⁸ I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

Ebe ne Pọl gbẹẹn gie emwa Rom 15:18 ပူးပေါင်းရင်းမြစ်များ

Itan 25:14

Emwa ni gha ve emwi ne iran i hae, te iran yevbe ẹhoho ra amẹ ne ọ bi ne ẹ i rhọ.

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Iyẹn ne ọ Maan Ọghe Mak 16:20

Avbe erhuanegbe keghi ladian ya gha kpe orhu lele ehe hia khian. Nọyaẹnmwa keghi rhie obọ ba iwinna iran, ọ kegha ye ama kevbe ẹtin rhie ma wẹ, orhu ẹmwata ọre iran kpe e.] [

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 15:12

Emwa hia keghi wa gbẹdọ ne iran ya danmwehọ vbe Banabas vbe Sọl na iyẹn ọyunnuan kevbe iwinna ama ne Osanobua la ekpa iran winna vbe uwu ẹbu emwa ne ẹ i re Ju.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 21:19

Pọl ghi tue iran nẹ, ọ keghi na iyẹn emwi hia ne Osanobua la obọ iwinna irẹn ru vbe uwu iran ne ẹ i re Ju ma iran.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ebe ne Pọl gbẹẹn gie emwa Rom 16:26

Vbene ọ rhirhi gha ye hẹ, banbanna nian, a rhie ẹmwata ni ladian azagba nẹ la ekpa emwi ne avbe akhasẹ gbẹnnẹ, kevbe zẹ vbe ne Osanobua etẹbitẹ yi ẹre iyi, a rhie ẹre ma uhunmwu ẹvbo hia nẹ, ne emwa hia miẹn ehe na yayi, ne iran vbe gha ya ẹe ru emwi.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

II Kọrinti 12:6

I gha wẹ ne I rhuọ, I i khian vbe gha re akpa, rhunmwuda, ẹmwata ọre I ta, sokpan mẹ i ra rhuọ rhunmwuda, I ma ho ne ọmwarhọkpa mwamwa mwẹ ye ukpo ne ọ gberra, vbene emwi ne ọ miẹn vbe I ru, kevbe ẹmwẹ ne ọ họẹn vbe I tae, kha re.

II Kọrinti 3:5

Rhunmwuda emwi rhọkpa i rre uwu ima ne ima gha sẹtin la ekpa ẹre kha wẹ ma sẹe ne ọ gha winna iwinna na. Ẹtin ne a ya sẹtin ruẹe ne ima mwẹ, obọ Osanobua ọre ọ ke rre.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 2:8

Rhunmwuda ẹtin Osanobua ọre a ya ya mwẹ ru ukọ gie iran ne ẹ i re Ju, zẹ vbene Pita vbe re ukọ iran ne Ju.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

II Tẹsalonaika 2:17

Gha ye ẹtin ne ọ la ọmwa iwu, vuọn ekhọe uwa, ne ọ vbe gie uwa wo vbe egbe ne uwa sẹtin gha ta kevbe ne uwa vbe gha ru emwi ne ọ maa.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

I Jọn 3:18

Ivbi mwẹ, ọma kei ne aho ẹmwẹ ọmwa ima gha re ọghe ẹmwẹ unu kevbe etalọ, ọ kere ne ọ gha re aho ẹmwẹ ọmwa ẹmwata, ne a la ekpa uyinmwẹ rẹn.

Ebe ne Jud gbẹẹn 1:9

Maikẹl ne olotu avbe odibo Osa ne a rẹn egbe, ma ru emwi vberriọ. Ẹghẹ ne ẹzọ na sunu ne irẹn vbe Setan, vbe iran muan ẹmwẹ ye ọmwa ne ọ gha mu ikun e Mosis, ohan ma gie Maikẹl ya ihẹn yan Setan ya bu ohiẹn gbẹe, sokpan ọ keghi kha wẹ, “Nọyaẹnmwa ọre ikọ uẹ.”