Ebe ne Pọl gbẹẹn gie emwa Rom 15:13 - Edo Bible (E Baibol Ẹdo) Version 1996

¹³ Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 15:13 ပူးပေါင်းရင်းမြစ်များ

Aizaia 55:12

“Oghogho wa ra ya kpao vbe Babilọn rre ọfumwegbe ọ re a ra ya viọ uwa ladian vbe ore ẹvbo nii. Avbe oke nekhua kevbe negiẹrẹ gha kpeghe urhu ua so ihuan, avbe erhan gha wee ne oghọghọ.

Jerimaia 14:8

Wẹ ọrọre idaehọ okpa kẹkan ne Izrẹl mwẹ wẹ okpa kẹkan ọ re ọ miẹn ima fan vbe obọ ọfuan. Vbọzẹ ne u na ye vbe ọrriọvbe vbe otọe mwa? Zẹ vbe ọmwa ne ọ rre okhian, ne ọ gbe asọn okpa kẹkan?

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.

II Kọrinti 9:8

Osanobua gha sẹtin rhie ne uwa gberra inu ne uwa i mwẹ, vbe ne a gha na miẹn wẹ wa ghi gha mwẹ emwi ne uwa ho hia ọghe obọ uwa, kevbe sẹ inu ne uwa gualọ ye emwi esi ne uwa a rhirhi gha ru.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 1:2

Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

I Tẹsalonaika 1:5

Rhunmwuda, ẹ i re ẹmwẹ ne a guan ọkpa ma ya kpe orhu Iyẹn Ne ọ maa ni ma uwa, sokpan, ẹtin kevbe Orhiọn Ne Ọ Huanrẹn deba ẹmwata ne ẹmwata ne ọ rrọ. Ọna vbe gha re ne aro dae fo fẹẹrẹ, wa rẹn vbene ima gha ru hẹẹ, ẹghẹ ne ima na gha rre ehe ne uwa ye, rhunmwuda umamwẹ ọwua nọ.

I Timoti 1:1

E Pọl ọmwa ne ọre ukọ Kristi Jesu, la ekpa iyi Osanobua ne Ọmiọnmwafan mwa, kevbe Kristi Jesu ne ọre idaehọ mwa, ọre ọ gbẹn ebe na.

Hibru 6:11

Emwi ne ima mobọ ho ọrọre wẹ, ne dọmwadẹ ọghọe vbe uwu uwa ye obọ da isasegbe ne ọ guẹe yi, ya sẹ ufomwẹ, ne emwi ne uwa rhie aro yi sẹtin gha ye rriọ.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

I Samuẹl 1:18

Okhuo nii keghi wanniẹn wẹẹ, “Te u ghi ra gha zẹ iro itohan da mwẹ vbe ẹghẹ hia.” Ọ na kpao. Ọ keghi ya rri evbare, ọ ma ghi vbe gha khiẹ.