Ebe ne Pọl gbẹẹn gie emwa Rom 15:12 - Edo Bible (E Baibol Ẹdo) Version 1996

¹² Deba ẹre Aizaia vbe ta ẹe wẹ, “Ọmọ ọkpa gha la uniẹn Jese rre. A gha tọn ẹn mu ne ọ gha khaemwisẹ ya iran ne ẹ i re Ju.”

Ebe ne Pọl gbẹẹn gie emwa Rom 15:12 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

I Krọnikol 2:12

Obẹd kevbe Jese.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Matiu 12:21

ehe ne ọ ye ọre emwa hia gha na gha mwẹ idaehọ.”

I Kọrinti 15:19

A deghẹ agbọn na ọkpa ọre idaehọ ne ima mwẹ vbe Kristi na mwẹ esa, ighẹ ọ ma vbe gberra evba, emwa ne a gha gbe ọsọre na ma khin, sẹ emwa ni rre agbọn na hia.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”