Ebe ne Pọl gbẹẹn gie emwa Rom 14:4 - Edo Bible (E Baibol Ẹdo) Version 1996

⁴ Vbe uwẹ a ke rre yi ne ọ bu ohiẹn ọguọmwadia ẹrrẹe. Arowa ẹre ọ ra tae a deghẹ ọ ru ne a gban ra deghẹ te ọ bubu ua. Ẹi mwẹ ọ ma ru na gban, rhunmwuda Osanobua gha giẹe ru na gban.

Ebe ne Pọl gbẹẹn gie emwa Rom 14:4 ပူးပေါင်းရင်းမြစ်များ

Psalm 17:5

Odẹ ruẹ ọ re I la khian ẹdẹ, I ma he bibi odẹ hin rre ẹdẹ.

Psalm 37:17

rhunmwuda Nọyaẹnmwa gha ya ẹtin fo iran ne emwa dan, sokpan ọ ghi tan obọ gue emwa esi.

Psalm 37:24

Deghẹ iran de, iran i ra wa gha rre evba. Rhunmwuda e Nọyaẹnmwa gha silo iran kpaegbe.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Aizaia 40:29

Rẹn ọ re ọ rhie ẹtin ne iran ne ẹtin fo kevbe ne egbe wọre.

Iwinna 11:17

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”

Ebe ne Pọl gbẹẹn gie emwa Rom 11:23

Kevbe avbe Ju, a deghẹ iran rhie obọ hin ẹmwẹ a ma yayi iran rre, a ghi dọlegbe viọ iran ye ihe iran, rhunmwuda te Osanobua ye sẹtin viọ iran dọlegbe ye ihe.

Ebe ne Pọl gbẹẹn gie emwa Rom 14:3

Ọmwa nọ rri emwi hia, wẹ ne oghẹ gha zan ọmwa ne ẹ i re, nọ rri a sakan, wẹ ne oghẹ gha zan nọ rri emwi hia, rhunmwuda Osanobua rhan obọ miẹn rẹn nẹ.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

Ebe ne Pọl gbẹẹn gie emwa Rom 9:20

Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.