Ebe ne Pọl gbẹẹn gie emwa Rom 14:3 - Edo Bible (E Baibol Ẹdo) Version 1996

³ Ọmwa nọ rri emwi hia, wẹ ne oghẹ gha zan ọmwa ne ẹ i re, nọ rri a sakan, wẹ ne oghẹ gha zan nọ rri emwi hia, rhunmwuda Osanobua rhan obọ miẹn rẹn nẹ.

Ebe ne Pọl gbẹẹn gie emwa Rom 14:3 ပူးပေါင်းရင်းမြစ်များ

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Matiu 9:14

Avbe erhuanegbe Jọn ne Ọsamẹ keghi bu Jesu gha dee do nọ rẹn wẹẹ, “Vbe a na miẹn hẹ yi wẹ, ma kevbe avbe Farisi wa yo aguẹ ẹghẹ hia sokpan, erhuanegbe ruẹ i yo hiehie?”

Iyẹn ne ọ Maan Ọghe Luk 18:9

Jesu keghi kpa itan na ma iran ni wẹ ọ khuiae ne iran, iran ghi gha zan emwa ọvbehe.

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Iwinna 10:44

Vbene Pita wa guan vbe obọ nii, Orhiọn Ne Ọ Huanrẹn keghi tuorre yan iran ni danmwehọ ẹmwẹ ọnrẹn.

Iwinna 28:2

Emwa ni rre ẹvbo nii keghi wa ya obọ esi mu ima. Rhunmwuda ne amẹ na gha rhọ nii, oni kegha fi, iran keghi koko erhẹn ya gbe ọbokhian ne ima.

Ebe ne Pọl gbẹẹn gie emwa Rom 11:15

Rhunmwuda, ugbẹn vbe a he iran, a keghi ya agbọn khian ọse Osanobua. Vbe uwẹ a ghi yayi ighẹ ogha ye hẹẹ khekherriọ ugbẹn vbe a gha rhan obọ miẹn iran? Iran ni te wulo gha wa rrie agbọn!

Ebe ne Pọl gbẹẹn gie emwa Rom 14:1

Wa gha miẹn iran yi ighẹ iran ne iyayi ẹre ma he wegbe vbe uwu uwa. Sokpan wa ghẹ guee gha gbe agbanmwẹ vbekpa vbene emwi ye hẹ vbe ekhọe ẹre.

Ebe ne Pọl gbẹẹn gie emwa Rom 14:10

Rhunmwuda ọnii nian, vbe ọ zẹ ne uwẹ na bu ohiẹn ọtuẹn yi? Kevbe uwẹ, vbe ọ zẹ ne u na zan ọtuẹn, ma hia gha mudia ye odaro Osanobua ne ọ bu ohiẹn ima.

Ebe ne Pọl gbẹẹn gie emwa Rom 14:13

Rhunmwuda ọnii, wa gie ima dobọ ne a na zan egbe yi, sokpan emwi ne uwa gha hẹnhẹn unu ẹnrẹn ọrọre wẹẹ ne a ghẹ ru emwikemwi ne ọ gha ya ọtuẹn rrua owẹ, ra ne ogha ya ẹe ru orukhọ.

Ebe ne Pọl gbẹẹn gie emwa Rom 14:15

Deghẹ te uwẹ ghi ya emwi ne u re ru emwi ikuan egbe ne ọtuẹn, ọnii rhie maa ighẹ ẹ i re ahoẹmwọmwa ọre u ghi ya ru emwi. Ghẹ gia a miẹn ighẹ rhunmwuda evbare ne uwẹ re ọre ọtuẹn ne Kristi wu na ghi na khian ne ọ wiruaa.

Ebe ne Pọl gbẹẹn gie emwa Rom 14:21

Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.

Ebe ne Pọl gbẹẹn gie emwa Rom 15:7

Wa gha rhan obọ miẹn egbe, ne uyi Osanobua. Zẹ vbene Kristi rhan obọ miẹn uwa.