Ebe ne Pọl gbẹẹn gie emwa Rom 14:23 - Edo Bible (E Baibol Ẹdo) Version 1996

²³ Ọ maa ne ọmwa ni ne ekhọe ẹre ma bu ohiẹn gbe vbe ọ gha ru emwi ne irẹn kha nẹ ighẹ ọ maa! Sokpan a deghẹ ọ gbe ọ khọn mwẹ ẹ i khọn mwẹ ye ẹmwẹ evbare ne ọ re, Osanobua gha bu abe gbe ẹe vbe ọ gha rriọe, rhunmwuda ẹ i re iyayi ọre ọ ya ẹe ru emwi ne ọ ru. Emwi ke emwi ne a ma ye iyayi ru, orukhọ nọ.

Ebe ne Pọl gbẹẹn gie emwa Rom 14:23 ပူးပေါင်းရင်းမြစ်များ

Ebe ne Pọl gbẹẹn gie emwa Rom 13:2

Ọmwaikọmwa nọ gu asẹ ne ọ rrọọ gha suan, iyi ne Osanobua yi ọre ọ gbe odan yi, ọmwaikọmwa ne ọ ru vberriọ, oya ọre ọ ya obọ si rri egbe.

Ebe ne Pọl gbẹẹn gie emwa Rom 14:5

Emwa eso ghi gha ka ẹdẹ ọkpa ye ne ọ ru ekpataki sẹe avbe ẹdẹ ọvbehe, vbene ọmwa ọvbehe na ka ẹdẹ hia ye abọkpa. Gie dọmwadẹ ọghọe rẹn ne ọ mu ẹre ekhọe vbọ.

I Kọrinti 8:7

Sokpan ẹ i re emwa hia ọre ọ rẹn ẹmwata na. Ẹmwẹ ẹbọ gu uwa eso obọ ro sẹrriọ wẹ, do sẹ ẹdẹnẹrẹ na, iran gha rri egbe evbare vberriọ, emwi ne ọ re ọghe ẹbọ ọre iran ye ka ẹe yi, ekhọe iran ma wegbe, iran ghi gha ro ighẹ evbare awua ọre iran re.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.