Ebe ne Pọl gbẹẹn gie emwa Rom 14:22 - Edo Bible (E Baibol Ẹdo) Version 1996

²² Rhunmwuda ọnii vbene uwẹ a rhirhi roro ẹmwẹ na yi, giẹe gha rre ẹkpo uwẹ vbe Osanobua.

Ebe ne Pọl gbẹẹn gie emwa Rom 14:22 ပူးပေါင်းရင်းမြစ်များ

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:2

Iyayi emwa eso sẹtin gha re ne ọ giẹe ya rri emwikemwi, sokpan ọmwa ne iyayi ẹre ma wegbe, ghi gha rri asakan.

Ebe ne Pọl gbẹẹn gie emwa Rom 14:23

Ọ maa ne ọmwa ni ne ekhọe ẹre ma bu ohiẹn gbe vbe ọ gha ru emwi ne irẹn kha nẹ ighẹ ọ maa! Sokpan a deghẹ ọ gbe ọ khọn mwẹ ẹ i khọn mwẹ ye ẹmwẹ evbare ne ọ re, Osanobua gha bu abe gbe ẹe vbe ọ gha rriọe, rhunmwuda ẹ i re iyayi ọre ọ ya ẹe ru emwi ne ọ ru. Emwi ke emwi ne a ma ye iyayi ru, orukhọ nọ.

Ebe ne Pọl gbẹẹn gie emwa Rom 14:5

Emwa eso ghi gha ka ẹdẹ ọkpa ye ne ọ ru ekpataki sẹe avbe ẹdẹ ọvbehe, vbene ọmwa ọvbehe na ka ẹdẹ hia ye abọkpa. Gie dọmwadẹ ọghọe rẹn ne ọ mu ẹre ekhọe vbọ.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Ebe ne Pọl gbẹẹn gie emwa Rom 7:15

Me ma rẹn vbene I ru emwi hẹ rhunmwuda ẹ i re emwi ne ọ rrọ mwẹ ekhọe ne I ru ọre I gele ru, sokpan emwi ne ọ sọnnọ mwẹ ọre I ru.

Ebe ne Pọl gbẹẹn gie emwa Rom 7:24

Ọ sẹ mwẹ sẹ egbe mwẹ! Gha ọ ghi ra fan mwẹ hin obọ ikinnegbe ne ọ si mwẹ khian ya rhie gbe ua na?

I Kọrinti 8:7

Sokpan ẹ i re emwa hia ọre ọ rẹn ẹmwata na. Ẹmwẹ ẹbọ gu uwa eso obọ ro sẹrriọ wẹ, do sẹ ẹdẹnẹrẹ na, iran gha rri egbe evbare vberriọ, emwi ne ọ re ọghe ẹbọ ọre iran ye ka ẹe yi, ekhọe iran ma wegbe, iran ghi gha ro ighẹ evbare awua ọre iran re.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.

I Jọn 3:21

Rhunmwuda ọnii, wa ne ọse mwẹ ni ghaan, a deghẹ orhiọn mwa ma bu abe gbe mwa, ẹtin ghi gha rre ima iwu vbe odaro Osanobua.