Ebe ne Pọl gbẹẹn gie emwa Rom 14:21 - Edo Bible (E Baibol Ẹdo) Version 1996

²¹ Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.

Ebe ne Pọl gbẹẹn gie emwa Rom 14:21 ပူးပေါင်းရင်းမြစ်များ

Malakai 2:8

“Sokpan, banbanna nian, wa ne avbe ohẹn fi iyeke gbe odẹ ẹmwata ne ọ rrọ nẹ. Emwi ne uwa ma emwa ẹre wa sii emwa nibun ya gha ru emwi ne ọ ma kei. Wa rraa ile ne I gu uwa taa nẹ.

Matiu 13:21

Rhunmwuda ighẹ ọ ma dinmwi ye iran ekhọe, ẹ i tọ. Ukpokpo kevbe orueghe ghi rre rhunmwuda ẹmwẹ ni, iran keghi khuọn kua ọwarọkpa.

Matiu 16:23

Jesu keghi fiegbe werriẹ, ọ tama Pita wẹẹ, “Kpao vbe ehe ne I ye rre, Setan. Idobo ọre u khin mwẹ re, rhunmwuda iro ne u zẹ ọghe emwa ne agbọn nọ, ẹ i re ọghe Osanobua.”

Ebe ne Pọl gbẹẹn gie emwa Rom 14:13

Rhunmwuda ọnii, wa gie ima dobọ ne a na zan egbe yi, sokpan emwi ne uwa gha hẹnhẹn unu ẹnrẹn ọrọre wẹẹ ne a ghẹ ru emwikemwi ne ọ gha ya ọtuẹn rrua owẹ, ra ne ogha ya ẹe ru orukhọ.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

I Kọrinti 8:13

A deghẹ evbare sẹtin ya etẹn mwẹ ru orukhọ, mẹ tobọ mwẹ i ghi rri emiowo ẹdẹ, ne I ghẹ ya ya ọtẹn mwẹ ru orukhọ.

I Kọrinti 8:9

Sokpan, u ghi mwẹ ẹwaẹn ne u ghẹ ya ye rhunmwuda ighẹ u sẹtin ru emwi ne ọ khọn ruẹn ye ọmwa ne iyayi ẹre ma wo vbe egbe de ye orukhọ.

Filipai 1:10

Ne uwa miẹn ehe na sẹtin gha zẹ emwi ne ọ maa sẹ. Ẹghẹ nii, wa ghi fe vbe obọ a ma ru emwi la uro kevbe a gu ọmwa gui vbe Ẹdẹ Kristi.

Hibru 12:13

Wa gha la odẹ ne ọ diae khian, ne owẹ arọe nii ghẹ wa khian ne ẹ i ghi mwẹ vbe ọ gie a ya ru sokpan, ne ọ khian ne a mu ẹre egbe rran.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.