Ebe ne Pọl gbẹẹn gie emwa Rom 14:20 - Edo Bible (E Baibol Ẹdo) Version 1996

²⁰ Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

Ebe ne Pọl gbẹẹn gie emwa Rom 14:20 ပူးပေါင်းရင်းမြစ်များ

Matiu 15:11

Ẹ i re emwi ne ọ la ọmwa uwu unu ọre ọ ya ẹe khian ne ọ ma huan, sokpan emwi ne ọ ke uwu ẹre ladian ọre ọ ya ẹe khian ne ọ ma huan.”

Matiu 18:6

“Ne ọmwaikọmwa gha ya ye ọkpa vbe uwu iran ne giẹrẹ ni ya mwẹ yi na ba odẹ mwẹ ku, ọ gha ma nẹẹn sẹ ne a de olọ ye ọre urhu, ne a dinmwi ẹn ye uwu amẹ okun.

Iwinna 10:15

Urhu ni dọlegbe tama rẹn wẹẹ, “Emwi ne Osanobua kha nẹ wẹ ọ huanrẹn, ghẹ ghi kae ba ne ọ ma huan.”

Ebe ne Pọl gbẹẹn gie emwa Rom 14:2

Iyayi emwa eso sẹtin gha re ne ọ giẹe ya rri emwikemwi, sokpan ọmwa ne iyayi ẹre ma wegbe, ghi gha rri asakan.

Ebe ne Pọl gbẹẹn gie emwa Rom 14:21

Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Filipai 1:6

Rhunmwuda ọnii, aro mwẹ wa da ọna wẹ, Osanobua nọ suẹn iwinna esi na vbe uwu uwa, gha ru ẹe gha khian rhinrin a te do ru ẹe fo, vbe Ẹdẹ Kristi Jesu.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.