Ebe ne Pọl gbẹẹn gie emwa Rom 14:2 - Edo Bible (E Baibol Ẹdo) Version 1996

² Iyayi emwa eso sẹtin gha re ne ọ giẹe ya rri emwikemwi, sokpan ọmwa ne iyayi ẹre ma wegbe, ghi gha rri asakan.

Ebe ne Pọl gbẹẹn gie emwa Rom 14:2 ပူးပေါင်းရင်းမြစ်များ

Gẹnẹsis 1:29

I rhie avbe ikpẹ ọmọ erhan kevbe avbe ọmọ erhan hia nuẹn ne u gha re.

Gẹnẹsis 9:3

U sẹtin gha rri iran kevbe ebe uwọnmwẹ. I ya ehia fiohan nuẹn zẹ vbe evbare.

Itan 15:17

A hẹko gu emwa ne a ho ẹmwẹ ọnrẹn la lọ uwọnmwẹ ọ re ọ maa sẹẹ ne a ya gu ọmwa ne ẹko ọmwa i maa rri emiowo ne ọ maa sẹẹ.

Daniẹl 1:12

Ọ tama rẹn wẹẹ, “Danmwẹ ima ghe la ikpẹdẹ igbe. Gha le ebe uwọnmwẹ ne ima re ne u vbe gha sa amẹ ne ima wọn.

Daniẹl 1:16

Ke ẹghẹ nii kpao, odibo nii keghi kue ne iran gha rri ebe uwọnmwẹ ye ihe evbare ne ọba viọ rre.

Ebe ne Pọl gbẹẹn gie emwa Rom 14:1

Wa gha miẹn iran yi ighẹ iran ne iyayi ẹre ma he wegbe vbe uwu uwa. Sokpan wa ghẹ guee gha gbe agbanmwẹ vbekpa vbene emwi ye hẹ vbe ekhọe ẹre.

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

I Kọrinti 10:25

U sẹtin rri emwikemwi ne a khiẹn vbe ẹki, vbe ne a i na vbe nọ ọta rhunmwuda osẹe ekhọe.

I Kọrinti 8:9

Sokpan, u ghi mwẹ ẹwaẹn ne u ghẹ ya ye rhunmwuda ighẹ u sẹtin ru emwi ne ọ khọn ruẹn ye ọmwa ne iyayi ẹre ma wo vbe egbe de ye orukhọ.

I Kọrinti 9:22

I gha miẹn iran ne iyayi ẹre ma wo vbe egbe, mẹ ghi vbe gha re ne ọ ma wo vbe egbe zẹ vbene iran ye, ne I miẹn ehe na silo iran ba egbe. Rhunmwuda ọnii, te I ghi ye egbe khian emwi hia ne emwa hia, ne I sẹtin la odẹikodẹ miẹn emwa eso fan.

Galatia 2:12

Ẹghẹ ne emwa ne Jems gie rre na ma he rre, e Pita kegha gu iran ne etẹn mwa ne ẹ i re Ju rri evbare. Sokpan, ugbẹn vbe iran na ghi rre nẹ, ọ na ban rrie, ọ ma ghi gu iran rri evbare, rhunmwuda, ohan avbe iran ne ọ ho ne a gha rhuẹ iran ne ẹ i re Ju mu ẹn.

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.