Ebe ne Pọl gbẹẹn gie emwa Rom 14:19 - Edo Bible (E Baibol Ẹdo) Version 1996

¹⁹ Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 14:19 ပူးပေါင်းရင်းမြစ်များ

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iyẹn ne ọ Maan Ọghe Mak 9:50

Umwẹ maa, sokpan adeghẹ orhiẹnrhiẹn ọnrẹn ghi fafaa nẹ, de emwi ne a ghẹ ghi ya ru ẹe ne ọ do gha rhiẹnrhiẹn? Wa gha mwẹ umwẹ vbe uwu uwa, ne uwa vbe gha gu egbe uwa rrọọ vbe ọfumwegbe.”

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 15:2

Sokpan ọ kere ne dọmwadẹ ọghọe vbe uwu ima gha ru ne ọ yẹ ọtiọnrẹn, ne umamwẹ ọnrẹn, ne a miẹn ehe na gbe ẹre igie vbe uwu iyayi.

I Kọrinti 10:23

Iran kha re wẹ, “Ma sẹtin ru emwi ne ọ rhirhi khọn mwa.” Ẹmwata nọ, sokpan ẹ i re emwi hia ọre ọ ke re. “Ma sẹtin ru emwi ne ọ rhirhi khọn mwa,” sokpan ẹ i re emwi hia ọre ọ mwẹ iyohọ ne ọmwa.

I Kọrinti 10:33

Wa gha ru vbene I ru. Te imẹ hia ne I gha yin ẹse ma emwa hia vbe emwi hia ne I ru, vbene imẹ i na mu ẹmwẹ ọ maa ọghe egbe mwẹ roro, gberra ọ maa ọghe emwa hia vbene iran gha na miẹn imiẹnfan hẹ.

I Kọrinti 14:26

Wa rẹn emwi ne I kha na ra etẹn mwẹ. Wa gha si koko ne a do ru ugamwẹ, orhiọnkpa mwẹ ihuan ne a gha so, ọmwa ọvbehe, emwi ne a ma emwa ẹre, ọmwa ọvbehe, emwi ne Osanobua ta ma rẹn. Ọmwa ọvbehe, ikporhu vbe ẹvbo ne a ma rẹn kevbe ọmwa ọvbehe, emwi ne a ya ẹmwẹ ni kha. Emwi hia ghi gha re ne ọ ya ọmwa ne ọ yo esọsi obọ.

I Kọrinti 14:3

Sokpan, ọmwa ne ọ kpe orhu Osanobua, emwa ne agbọn ọre ọ gu guan, ọ ghi gha rhie iyobọ, igiẹdu kevbe ifuẹko ne iran.

I Kọrinti 14:4

Ọmwa ne ọ ye urhu ne a ma rẹn guan, egbe ẹre ọkpa ọre ọ ru iyobọ na, sokpan ọmwa ne ọ kpe orhu Osanobua ghi ru iyobọ ne esọsi hia.

I Kọrinti 14:5

Ne ọ gha wa yẹ mwẹ sẹ ọrọre ne a ya ẹmwẹ ikporhu Osanobua we uwa hia. Rhunmwuda, ọmwa ne ọ kpe orhu ẹmwẹ Osanobua ọre ọ maa sẹ ne ọ ya urhu ne a ma rẹn guan, sokpan a ma wẹ, ọmwa ne ọ gha zẹ edu rre evba, ne ọ miẹn ehe na ru iyobọ ne esọsi hia.

I Kọrinti 7:15

Vbene ọ rhirhi gha ye hẹ, a deghẹ ne ọ yayi ni ho ne ọ sẹ ne ọ ma yayi rae, gi ẹe ru vberriọ. Ọ gha ye vberriọ, ne ọ re ne ọ yayi vbọ, ọre ne okpia nọ ra ne okhuo, sẹtin zẹ ne a gha ru vbọ, rhunmwuda te Osanobua tie uwa ne uwa gha rrọọ vbe ọfumwegbe.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

II Kọrinti 12:19

Ọ gha kẹe nian, te uwa ro ighẹ te ima ho ne a gui fan egbe mwa ye otọ vbe obọ uwa. Hiehiere. Vbene Kristi ho ne ima guan ọre ima guan na, vbe odaro Osanobua, emwi hia ne I a rhirhi ru, iho mwa, te ima ru ẹe ne a ya ye uwa obọ.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

I Timoti 1:4

Wẹ ne iran da obọ avbe uma aranmwẹ nii yi kevbe eni ne ne lọghọọ ọghe avbe erha odede, rhunmwuda, imuan ẹmwẹ ọre ọ si rre, iran iru iyobọ ye ẹmwẹ Osanobua ne a ya iyayi rẹn.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.