Ebe ne Pọl gbẹẹn gie emwa Rom 14:15 - Edo Bible (E Baibol Ẹdo) Version 1996

¹⁵ Deghẹ te uwẹ ghi ya emwi ne u re ru emwi ikuan egbe ne ọtuẹn, ọnii rhie maa ighẹ ẹ i re ahoẹmwọmwa ọre u ghi ya ru emwi. Ghẹ gia a miẹn ighẹ rhunmwuda evbare ne uwẹ re ọre ọtuẹn ne Kristi wu na ghi na khian ne ọ wiruaa.

Ebe ne Pọl gbẹẹn gie emwa Rom 14:15 ပူးပေါင်းရင်းမြစ်များ

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

Ebe ne Pọl gbẹẹn gie emwa Rom 15:2

Sokpan ọ kere ne dọmwadẹ ọghọe vbe uwu ima gha ru ne ọ yẹ ọtiọnrẹn, ne umamwẹ ọnrẹn, ne a miẹn ehe na gbe ẹre igie vbe uwu iyayi.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

I Kọrinti 13:1

Ọ gha khọn rẹn ne I gua ra gha zẹ ẹvbo ne emwa ne agbọn zẹ kevbe ne avbe odibosa zẹ, a deghẹ mẹ i mwẹ aho ẹmwẹ ọmwa, ẹmwẹ ne unu mwẹ ma maa sẹ ẹgogo ne ọ kpe gbẹin ra ighẹnghẹn ne ọ tu gbanghanghanghan.

Ebe ne Pọl gbẹẹn gie emwa Rom 13:10

Ọmwaikọmwa ne ọ ho ẹmwẹ ogieva ẹre, ẹ i ru ẹre emwi khọọ. De ghẹ a ghi mwẹ ahoẹmwọmwa nẹ khekherriọ, ọnii ọre wẹ a mu nene Uhi hia sẹ nẹ.

Ezikiẹl 13:22

Wa wa ya ohoghe ne uwa tae gbin emwa esi ẹtin, avbe emwa ne imẹ i ho ni ru ẹre emwi rhọkpa. Wa i gie emwa dan zobọ vbe emwi dan ne iran ru, ne iran rhie uhunmwu iran ke ẹbe ladian.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.