Ebe ne Pọl gbẹẹn gie emwa Rom 14:10 - Edo Bible (E Baibol Ẹdo) Version 1996

¹⁰ Rhunmwuda ọnii nian, vbe ọ zẹ ne uwẹ na bu ohiẹn ọtuẹn yi? Kevbe uwẹ, vbe ọ zẹ ne u na zan ọtuẹn, ma hia gha mudia ye odaro Osanobua ne ọ bu ohiẹn ima.

Ebe ne Pọl gbẹẹn gie emwa Rom 14:10 ပူးပေါင်းရင်းမြစ်များ

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Matiu 7:1

“Wa ghẹ buohiẹn ẹrrẹ, ne Osanobua ghẹ vbe bu ohiẹn uwa.

Iyẹn ne ọ Maan Ọghe Luk 18:9

Jesu keghi kpa itan na ma iran ni wẹ ọ khuiae ne iran, iran ghi gha zan emwa ọvbehe.

Iyẹn ne ọ Maan Ọghe Luk 23:11

Hẹrọd ke ẹe kevbe ivbiyokuo ẹre keghi ya Jesu gbe ogiẹ, iran keghi ru ẹre emwi oya. Iran mu ẹwu ne mose mose ye ọe, iran keghi dọlegbe rhie ẹre bu Pailet.

Iyẹn ne ọ Maan Ọghe Jọn 5:22

Erriọ vbe nọ, Erha i tobọ ẹre bu ohiẹn ọmwaikọmwa, ọ rhie asẹ hia ne ovbi ẹre nẹ ne ọ ya gha bu ohiẹn.

Iwinna 10:42

Rẹn keghi yi iyi ne ima ne a ya kpe orhu Iyẹn Ne ọ maa ma emwa hia, ne a vbe sẹ osẹe ọre wẹ rẹn ọrọre ọmwa ne Osanobua zẹe ne ọ gha re ne ọbuohiẹn emwa ni rre agbọn kevbe ni wulo nẹ.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Iwinna 4:11

Jesu na ọre ebe ta ẹmwẹ ọnrẹn wẹẹ, “ ‘Okuta ne uwa ni bọ owa wẹ, ẹ i maa do khian okuta a ma miẹn a i ru.’

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.