Ebe ne Pọl gbẹẹn gie emwa Rom 13:4 - Edo Bible (E Baibol Ẹdo) Version 1996

⁴ Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

Ebe ne Pọl gbẹẹn gie emwa Rom 13:4 ပူးပေါင်းရင်းမြစ်များ

I Ọba 10:9

Urhomwẹ nọ ne Nọyaẹnmwa Osanobua ruẹ. Ọ wa rhie maa vbene ẹmwẹ ruẹn ye ọre hẹ, ne ọ na ya a ma ọba, ne u gha ye ẹmwata kevbe a i ghe ikpanro khaemwisẹ.”

II Krọnikol 19:6

ọ tama iran wẹẹ: “Wa gha mwẹ ẹwaẹn vbe uwa a gha hu ohiẹn, ẹre asẹ ọmwa ne agbọn ọ re uwa ya winna, sokpan asẹ ọghe Nọyaẹnmwa nọ, ọ vbe rrọ yaba uwa vbe uwa a bu ohiẹn.

Itan 16:14

Ọmwa ne ọ wan ghi gha hia ne ọ gha ya ẹko ọba rhiẹnrhiẹn, ohu gha mu ọba, ọmwa hoho sẹtin lae.

Itan 20:2

Lẹ ne ọba ne ohu mu, zẹ vbene u gha lẹ ne oduma ne ọ tu utumwẹ ohanmwẹ. Ọmwa ne ọ ya ohu mu ẹẹn ọ re ọ gbe egbe ẹre.

Itan 20:26

Te ọba ne ọ wan gualọ ọmwa ne ọ ru emwi dan ladian, ọ gha vbe rri ọre oya vbe ne itohan i na rrọọ.

Itan 20:8

Ọba gha tota gha bu ohiẹn, ọ gha bẹghe emwi dan, te ọ wa rẹn ọnrẹn.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 25:14

Izrẹl ne emwa mwẹ gha rria Idọm ikhi mẹ, iran gha gie Idom hẹnmwẹ ohu ne ọ kakabọ mu mwẹ vbe egbe. Idom gha rẹn emwi ne ọ khin ne emwa gha re emwa ne I wẹ I ra rria ẹre ikhi.” E Nọyaẹnmwa ne Udazi guaan nẹ.

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 13:6

Otọe emwi nọ ye uwa zẹ igho uhunmwu ọre ọna khin, rhunmwuda Osanobua ọre iran ni rre asẹ winna na, deghẹ iran winna iwinna ne ọ kan iran.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

Jọsua 20:5

A deghẹ ọmwa ne ọ ho ne ọ rria ikhi nii lele gha rrie evba, emwa ni rre ẹvbo ni i rhie ẹre ne iran, iran ghi degue ẹre rhunmwuda ẹ i re te ọ ba gbe ọmwa ni uan. Ẹ i re wẹ te ohu muẹn.

Jọsua 20:9

Avbe enena ọrọre ẹvbo ne a lẹ gbinna ne a zẹ ne ivbi Izrẹl hia kevbe avbe orhunmwuyẹn ni rre ehe ne iran ye. Ọmwaikọmwa ne ọ gbe ọmwa ran vbe ne ẹ i na re ẹmwẹ ọnrẹn, sẹtin ya lẹ fi evba, ọmwa ne ọ ho ne ọ rria ikhi i ghi gbẹe rua. A ghi sirra emwa hia gui ẹzọ ẹre vbe evba.

I Pita 2:14

Kevbe avbe ọkao arriọba ne irẹn gie, ne ọ ya rria iran ni ru emwi dan oya, kevbe ne ọ gha tian iran ni ru ẹse.