Ebe ne Pọl gbẹẹn gie emwa Rom 13:12 - Edo Bible (E Baibol Ẹdo) Version 1996

¹² Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

Ebe ne Pọl gbẹẹn gie emwa Rom 13:12 ပူးပေါင်းရင်းမြစ်များ

Ihuan Ne Ọ Sọọ Ihuan Hia 2:17

Ẹhoho owiẹ te suẹn gha hoho ne a vbe ho ebiebi bẹkun. Dọlegbe gha dee enida mwẹ zẹ vbe uzo zẹ vbe ẹrhuẹ ọwẹe vbe oke Bẹtẹ.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

I Kọrinti 10:11

Emwi na hia sunu ne a ya rhie igie emwi ne emwa ọvbehe, a keghi gbẹnnẹ ọẹn ye otọ zẹ vbe ne a ya bu ima ude. Rhunmwuda, ẹghẹ ima keghi re ẹghẹ ne ufomwẹ na sẹ otọ fo nẹ.

I Kọrinti 7:29

Emwi ne I kha ọna khin etẹn mwẹ, ovbi ẹghẹ kherhe ma ghi mwẹ, kevbe ẹghẹ na kpao nian, wa gie emwa ni rhie okhuo gha yin zẹ vbe ọhae.

II Kọrinti 10:4

Emwi igbinna ne ima ya gbinna, ẹ i re emwi igbinna ọghe agbọn na, vbe ẹ i re emwi igbinna ne ọ wo vbe egbe ọghe Osanobua ne a ya guọghọ ehe ne wo vbe egbe. Ma rẹnkhẹn imua ẹmwẹ ohoghe.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Hibru 10:25

Wa ghẹ gie a do obọ iko ne a do miẹn egbe yi, zẹ vbene emwa eso ru na, sokpan wa gie a rhie igiẹdu ne egbe, kpataki vbe ne a na wa miẹn nian wẹ, Ẹdẹ Nọyaẹnmwa sẹ otọ fo nẹ.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

Jems 5:8

Erriọ ọre ọ kere ne uwa vbe zin egbe. Wa gie ẹtin gha rre uwa iwu ẹsẹse rhunmwuda Ẹdẹ Nọyaẹnmwa bu otọ nẹ.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

I Jọn 2:18

Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

Arhie Maan 1:3

Ẹwerẹ ọmwa ne ọ tie ẹre, ẹwerẹ emwa hia ni vbe danmwehọ ẹmwẹ ne a ya urhu akhasẹ gie rre na, ọ na vbe gha ru vbene a gbẹn ye uwu ebe na. Rhunmwuda ẹghẹ ne emwi na hia ra na sunu sẹ otọ fo nẹ.

Arhie Maan 22:10

Ọ keghi vbe tama mwẹ wẹẹ, “Ghẹ rhie ẹmwẹ akhasẹ ni rre ebe na lẹ re zẹ vbe ẹmwẹ oro, rhunmwuda ẹghẹ ne emwi na hia gha ya sunu sẹ otọ fo nẹ.