Ebe ne Pọl gbẹẹn gie emwa Rom 13:10 - Edo Bible (E Baibol Ẹdo) Version 1996

¹⁰ Ọmwaikọmwa ne ọ ho ẹmwẹ ogieva ẹre, ẹ i ru ẹre emwi khọọ. De ghẹ a ghi mwẹ ahoẹmwọmwa nẹ khekherriọ, ọnii ọre wẹ a mu nene Uhi hia sẹ nẹ.

Ebe ne Pọl gbẹẹn gie emwa Rom 13:10 ပူးပေါင်းရင်းမြစ်များ

Matiu 7:12

“Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Ebe ne Pọl gbẹẹn gie emwa Rom 13:8

Ghẹ rri ọmwa rhọkpa osa, osa ọkpa ne u gha re ọrọre ne uwa gha ho ẹmwẹ egbe, ọmwaikọmwa ne ọ mwẹ ahoẹmwọmwa ghe ihua ẹre, mu nene Uhi sẹ nẹ.

Galatia 5:14

Rhunmwuda nene Uhi hia, uwu iyi ọkpa ọre a na ko ẹre uhunmwu: “Ho ẹmwẹ ogieva ruẹ zẹ vbe egbe ruẹ.”

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.