Ebe ne Pọl gbẹẹn gie emwa Rom 12:9 - Edo Bible (E Baibol Ẹdo) Version 1996

⁹ Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 12:9 ပူးပေါင်းရင်းမြစ်များ

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 119:163

Te ohoghe ye ẹko hu mwẹ rhunmwuda, ọ sọnnọ mwẹ, sokpan, uhi ruẹ yẹ mwẹ.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 26:25

Ẹmwẹ ni sẹtin gha rhiẹnrhiẹn, sokpan, ghẹ ya ẹe yi rhunmwuda te ẹko rriaramwẹ wa vuọn re ẹko do sẹ ẹkpurhu.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Matiu 26:49

Ugbẹn vbe Judas ghi rre, ọ keghi wa bu Jesu gha khian taara, ọ wẹẹ, “Ọmaemwaemwi, ọfumwegbe ọ re ọwuẹ,” ọ keghi ya unu soso ẹre unu.

Iyẹn ne ọ Maan Ọghe Jọn 12:6

Ọ ta ẹmwẹ na ẹ i re rhunmwuda ighẹ ọ mwẹ ẹnina ivbiogue vbe ekhọe, sokpan rhunmwuda ighẹ oyi nọ, rẹn ọ mu ẹkpo igho mwẹ, ọ ghi gha duẹe hẹ ya ru enegbe ẹre.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

II Kọrinti 6:6

Vbe ekpa a i mwẹ iruẹn, irẹnmwi, iziengbe, kevbe itohan, ma keghi rhie egbe maa zẹ vbe eguọmwadia Osanobua, vbe ekpa Orhiọn Ne ọ huanrẹn, vbẹ ekpa aho ẹmwẹ ọmwa ẹmwata ne ima mwẹ.

II Kọrinti 8:8

Ẹ i re te I vinnọ uhi ye otọ, sokpan, I gha ta vbene emwa ọvbehe gbe igiangian ye ẹmwẹ iyobọ ne a ru hẹ, te I ho ne I rẹn vbene aho ẹmwẹ ọmwa uwa re ọghe ẹmwata hẹẹ.

I Tẹsalonaika 2:3

Rhunmwuda, ẹmwẹ ne ima do gu uwa guan i re ne a ye abakuru muhẹn, ra ne ọ mwẹ emwi ọvbehe ne a gualọ vbọ, erriọ, ma ma vbe ho ne a do ọmwa rhọkpa ọzua.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Tẹsalonaika 5:21

Wa gha danmwẹ emwi hia ghe, wa ghi gba enọma vbọ mwẹ obọ.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.