Ebe ne Pọl gbẹẹn gie emwa Rom 12:6 - Edo Bible (E Baibol Ẹdo) Version 1996

⁶ Rhunmwuda ọnii, wa gie ima gha lo dọmwadẹ emwi ughughan ne Osa ya we mwa ye omwa ẹsọhẹ ne Osanobua rhie ne ima. Deghẹ ne a gha kpe orhu Osanobua ọrọre emwi ne a ya we mwa, wa gie ima gha ruẹe vbene iyayi mwa sẹe.

Ebe ne Pọl gbẹẹn gie emwa Rom 12:6 ပူးပေါင်းရင်းမြစ်များ

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Matiu 25:22

Ọguọmwadia ne a mu enaira arriaisẹn eva na keghi vbe rre, ọ tama arowa ẹre wẹẹ, ‘Enaira arriaisẹn eva ọre u mu mẹ, ghe, mẹ vbe rri ere enaira arriaisẹn eva ba ẹre.’

Iyẹn ne ọ Maan Ọghe Luk 11:49

Ọ na ọre ọ si ẹe ne Ẹwaẹn Osanobua na kha wẹ, ‘I gha gie avbe akhasẹ, kevbe odibo mwẹ bu iran, iran gha gbele eso ua vbọ, iran gha zẹ nekpa kpokpo.’

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 15:32

Judas kevbe Sailas, emwa ni vbe re akhasẹ, keghi rhie ẹghẹ ne ọ taẹn ya gu avbe emwa nii guan, iran keghi rhie udinmwẹ kevbe iwegbe ne iran.

Iwinna 2:17

“ ‘Ọ gha sẹ ẹdẹ okiekie, erriọ Osanobua khare: I gha hihiẹ Orhiọn mwẹ yan emwa hia. Ivbi uwa ne ikpia kevbe ne ikhuo gha guan ẹmwẹ akhasẹ avbe igbama ghi gha miẹn umian, avbe ọmaẹn ghi gha mian imina.

Iwinna 21:9

Rẹn keghi mwẹ ivbi ẹre ne uvbi enẹ ni kpe orhu ẹmwẹ Osanobua.

Ebe ne Pọl gbẹẹn gie emwa Rom 1:11

Rhunmwuda, I wa ho ne I miẹn uwa ro ẹsẹse ne I miẹn ehe na gu uwa ghae vbe uwu afiangbe ọghe orhiọn ne ọ ya uwa wo vbe egbe.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

I Kọrinti 12:18

Sokpan vbene ọ ye na, Osanobua viọ ina egbe ye egbe, zẹ vbene ọ yẹ ọre.

I Kọrinti 13:2

Ọ gha khọn rẹn ne a ya we mwẹ wẹ I gha gu emwa guan, ọ ghi hin ehia uhunmwu, ọ gha khọn rẹn ne I rẹn emwi hia kevbe ne I rẹn otọ oro hia, ọ gha khọn rẹn ne I gha mwẹ iyayi hia ne ọ gha sẹ ọmwa ya vu oke mu fua, a deghẹ mẹ i mwẹ aho ẹmwẹ ọmwa, kẹkan ọre I khin.

I Kọrinti 14:1

Rhunmwuda ọnii, aho ẹmwẹ ọmwa ọrọre emwi ne uwa gha gbinna ho khekherriọ. Wa gie aro uwa gha wu ye emwi ne orhiọn ya we ọmwa, kpataki ọghe ne a ya kpe orhu Osanobua.

I Kọrinti 14:24

Sokpan wa gha kpe orhu ẹmwẹ Osanobua, ọmwa ne ọ ma yayi ra ọmwa kẹkan gha la owa, ẹmwẹ ne ọ họẹn ghi ya ẹe miẹnkue ighẹ ọmwa orukhọ rẹn gele khin. Ẹmwẹ ne ọ họẹn hia ghi gha bu ohiẹn ọnrẹn.

I Kọrinti 14:29

Eva ra eha ne a rhie ẹmwẹ Osanobua nẹẹn ta, ghi gha guan, emwa nekpa ghi gha danmwehọ vbene ẹmwẹ ne iran ta ye hẹ.

I Kọrinti 3:5

A deghẹ erriọ nọ, gha ọre Pọl yi? Gha ọre Apọlọs? Eguọmwadia kẹkan ọghe Osanobua ọre ima khin ne ọ ya uwa do yayi. Iwinna ne Osanobua wa ne dọmwadẹ ọghọe ọre ọ winnaẹn.

I Kọrinti 7:7

Vbe ẹmwata, ọ gha te yẹ mwẹ akpawẹ emwa hia wa ye vbene imẹ ye, sokpan dọmwadẹ ọghọe ọre ọ mwẹ emwi ne Osanobua ya wẹẹ, ọghe ọna ughaẹn, ọghe nọkpa ughaẹn.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

Ẹfisọs 3:5

Vbe ẹghẹ ne ọ gberra, a ma ta oro na ma ọmwa rhọkpa, sokpan banbanna nian, Osanobua la ekpa Orhiọn we ẹre ma avbe ukọ kevbe avbe akhasẹ ọre ni huanrẹn.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

Filipai 3:15

Emwi na ẹre ọ kere ne ọ gha rre ima hia ekhọe, ma ni khian eniwanrẹn nẹ vbe ẹmwẹ emwi orhiọn. Vbene ọ rhirhi gha ye hẹ, a deghẹ emwi ọvbehe rre eso vbe uwu uwa ekhọe, Osanobua gha rhan otọ ehia ma uwa.

I Tẹsalonaika 5:20

Wa ghẹ gha kpọzọ ẹe rua ighe ẹmwẹ ne a ye aguakpao orhiọn ta.

II Pita 1:20

Vbene ọ rhirhi gha ye hẹ, ke odaro emwi ọvbehe hia, wa ghi ye ọna rre wẹ, orhiọnkpa ne ọ gha sẹtin rhan otọ ẹmwẹ akhasẹ ne ọ rre uwu Ebe ọghe obọ irẹn ọkpa ẹ i rrọọ.