Ebe ne Pọl gbẹẹn gie emwa Rom 12:5 - Edo Bible (E Baibol Ẹdo) Version 1996

⁵ Erriọ vbe nọ zẹ, ma gha rhe bun, egbe ọkpa ne a kugbe ba Kristi ma khin, a keghi vbe ku ima kugbe ye ọkpa, zẹ vbene dọmwadẹ ina ni rre egbe ye.

Ebe ne Pọl gbẹẹn gie emwa Rom 12:5 ပူးပေါင်းရင်းမြစ်များ

Iyẹn ne ọ Maan Ọghe Jọn 17:11

Wanwanna nian, mẹ bu ruẹ dee, mẹ i ghi rre agbọn na sokpan iran ye rre agbọn na, Evbavba Ne Ọ Huanrẹn ya ẹtin eni ruẹn gbe ebe gue iran, eni ne u mu mẹ nii, ne iran miẹn ehe na gha re ọkpa zẹ vbe ne ima vbe ruẹ vbe re ọkpa.

Ebe ne Pọl gbẹẹn gie emwa Rom 12:4

Ina ni rre egbe bun, ọkpọkpa vbe uwu iran mwẹ iwinna ne ọ ye.

I Kọrinti 10:17

Rhunmwuda ighẹ ebrẹd ọkpa nọ, ma hia gha rhe gha bun, egbe ọkpa ma khin, rhunmwuda ebrẹd ọkpa ma na re.

I Kọrinti 10:33

Wa gha ru vbene I ru. Te imẹ hia ne I gha yin ẹse ma emwa hia vbe emwi hia ne I ru, vbene imẹ i na mu ẹmwẹ ọ maa ọghe egbe mwẹ roro, gberra ọ maa ọghe emwa hia vbene iran gha na miẹn imiẹnfan hẹ.

I Kọrinti 12:20

Sokpan vbene ọ ye na, ina bun sokpan egbe ọkpa nọ.

I Kọrinti 6:15

Wa rẹnrẹn wẹ efẹn ọkpa vbe egbe Kristi ọre uwa khin. Te imẹ ghẹ ghi mu efẹn ọkpa vbe egbe Kristi ne I ya ku ẹe gbe ba egbe igberagia ra, awua!

Ẹfisọs 1:23

Egbe Kristi ọre esọsi khin, ne ọ re ne a ya gbe vuọn rẹn nii, ne ọ re ne a ya gbe vuọn emwi hia vbe ehe hia.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Ẹfisọs 5:23

Ọdọ mwẹ ẹtin vbe uhunmwu amwẹ ọnrẹn, zẹ vbene Kristi mwẹ ẹtin vbe uhunmwu esọsi, Kristi tobọ ẹre ọrọre Ọmiọnmwafan esọsi ne ọre egbe ẹre.

Ẹfisọs 5:30

Rhunmwuda egbe ẹre ọre ima khin.)

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

Kọlose 2:19

Ẹ i ghi re igbinna ọghe Kristi ne ọ re ẹzi ehia rẹn ghi ye. Vbe ekpa ọdakha Kristi, a ghi gha koko egbe hia, a ghi vbe dee akhuẹn kevbe inian ni rrọọ hia kugbe, ọ ghi vbe do waan zẹ vbe ne Osanobua ho ẹre yi.