Ebe ne Pọl gbẹẹn gie emwa Rom 12:19 - Edo Bible (E Baibol Ẹdo) Version 1996

¹⁹ Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 12:19 ပူးပေါင်းရင်းမြစ်များ

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 24:29

Ghẹ kha wẹẹ, “I gha ru ẹe vbe ne ọ ru mwẹ ra ma gha ghae ẹre umwọmwẹ!”

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Ezikiẹl 25:12

E Nọyaẹnmwa ne Udazi khare wẹẹ, “Ivbi Idom wa rria ivbi e Juda ikhi dan, irria ikhi Ọ re ọ ghi ya ivbi Idọm khian ne ọ rriabe kpee vbotọ.

Levitikọs 19:18

Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Ebe ne Pọl gbẹẹn gie emwa Rom 12:14

Gha na erhunmwu ne iran ni zẹ uwẹ kpokpo, ẹn, gha na erhunmwu ne iran, ghẹ tie ihẹn.

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

Ẹfisọs 4:27

Ghẹ rhie ẹghẹ ne Esu.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Hibru 10:30

Rhunmwuda ma rẹn ọmwa ne ọ khare wẹ, “I gha rria ikhi, I gha ru iha osa.” Kevbe ne ọ khare wẹ, “Nọyaẹnmwa gha bu ohiẹn emwa rẹn.”

I Samuẹl 25:26

E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.

I Samuẹl 25:33

Kpọnmwẹ Osanobua ye ẹwaẹn esi ruẹ kevbe emwi ne u ru ẹrẹna ne u ma na gun mwẹ ru a i ghẹru de izigha kevbe ne u ma na gun mwẹ rria ikhi egbe mwẹ.

I Samuẹl 26:10

E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”