Ebe ne Pọl gbẹẹn gie emwa Rom 12:18 - Edo Bible (E Baibol Ẹdo) Version 1996

¹⁸ Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

Ebe ne Pọl gbẹẹn gie emwa Rom 12:18 ပူးပေါင်းရင်းမြစ်များ

Gẹnẹsis 21:24

Ebraham keghi kha wẹẹ, “I yan vberriọ.”

II Samuẹl 20:19

Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Itan 12:20

Emwa ni ziro emwi dan, emwi dan gha vbe de gbe iran, sokpan, iran ni winna ye ọmaa, gha miẹn ẹko ne ọ rhiẹnrhiẹn.

Itan 3:30

Ghẹ gu ọmwa ne ọ ma ru uwẹ emwi rhọkpa gha muan obobo ẹmwẹ.

Matiu 5:24

sẹ emwi imuohan ni rae ye evba, wẹ vbe ọtuẹn ka ya dọlọ nẹ, u kegha de do yo imuohan ruẹn gie Osanobua.

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iyẹn ne ọ Maan Ọghe Mak 9:50

Umwẹ maa, sokpan adeghẹ orhiẹnrhiẹn ọnrẹn ghi fafaa nẹ, de emwi ne a ghẹ ghi ya ru ẹe ne ọ do gha rhiẹnrhiẹn? Wa gha mwẹ umwẹ vbe uwu uwa, ne uwa vbe gha gu egbe uwa rrọọ vbe ọfumwegbe.”

Ebe ne Pọl gbẹẹn gie emwa Rom 1:15

Ọnii ọ siẹe ne ọ na bọbọ mwẹ egbe ne I do vbe kpe orhu Iyẹn Ne ọ maa ma uwa ni rre Rom.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

I Kọrinti 7:15

Vbene ọ rhirhi gha ye hẹ, a deghẹ ne ọ yayi ni ho ne ọ sẹ ne ọ ma yayi rae, gi ẹe ru vberriọ. Ọ gha ye vberriọ, ne ọ re ne ọ yayi vbọ, ọre ne okpia nọ ra ne okhuo, sẹtin zẹ ne a gha ru vbọ, rhunmwuda te Osanobua tie uwa ne uwa gha rrọọ vbe ọfumwegbe.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 4:3

Wa lo ẹtin uwa hia, ne uwa ya da ẹe yi ighẹ akugbe ne Orhiọn rhie ne ọmwa, vbe ekpa ọfumwegbe ne ọ dee uwa hia kugbe.

I Tẹsalonaika 5:13

Wa kakabọ gha ya ọghọ ne iran, deba aho ẹmwẹ ọmwa, rhunmwuda iwinna ne iran winna. Wa vbe gu egbe gha rrọọ vbe ọfumwegbe.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

I Pita 3:11

Ọ ghi zobọ vbe emwi dan do gha ru emwi esi. Ọ ghi gha gualọ ọfumwegbe, ọ ghi gha zọ uhio ẹre khian.

Giọgis 11:14

E Jẹfta keghi dọlegbe gie emwa bu ọba Amọn,