Ebe ne Pọl gbẹẹn gie emwa Rom 12:17 - Edo Bible (E Baibol Ẹdo) Version 1996

¹⁷ Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 12:17 ပူးပေါင်းရင်းမြစ်များ

Gẹnẹsis 42:25

E Josẹf keghi wẹ ne a viọ ọka vuọn ẹkpo iran, ne a vbe dọlegbe rhie igho dọmwadẹ ọghọe ye ẹkpo dọmwadẹ ọghọe, kevbe ne iran vbe viọ evbare ne iran gha re vbe odẹ ne iran, a ke ru vberriọ.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 24:29

Ghẹ kha wẹẹ, “I gha ru ẹe vbe ne ọ ru mwẹ ra ma gha ghae ẹre umwọmwẹ!”

Matiu 5:24

sẹ emwi imuohan ni rae ye evba, wẹ vbe ọtuẹn ka ya dọlọ nẹ, u kegha de do yo imuohan ruẹn gie Osanobua.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 14:16

Ghẹ gie a miẹn wẹẹ emwi ne uwẹ ka ye emwi esi do khian ne a ghi so eni ẹnrẹn ne ọ khọ.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

I Tẹsalonaika 4:12

Wa gha ru vberriọ, iran ni ma yayi ghi gha ghe uwa gẹdẹgbẹẹ, wa i ghi ra vbe ghe ọmwa rhọkpa obọ.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

Ebe Rut 3:14

Rẹn keghi lovbiẹ ye odẹ owẹ ọre ẹdẹ te gbe, sokpan, ọ keghi kpaegbe vbe ẹdẹ ma he wan sẹ ne emwa gha na bẹghe ẹre. Rhunmwuda, e Boaz kha re wẹẹ, “Ọma kei ne ọmwa rhọkpa rẹn ighẹ ọ rrie emwa na.”

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”