Ebe ne Pọl gbẹẹn gie emwa Rom 12:16 - Edo Bible (E Baibol Ẹdo) Version 1996

¹⁶ Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

Ebe ne Pọl gbẹẹn gie emwa Rom 12:16 ပူးပေါင်းရင်းမြစ်များ

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Job 36:5

“U miẹn vbe Osanobua wegbe hẹ! Ẹ i ye aro gbe ọmwa rhọkpa re. Emwi ọkpa ne ọ ma rẹn otọ ẹre, ẹ i rrọ.

Itan 17:5

U gha ya ivbiogue gbe ogiẹ, te u zan Osanobua ne ọ yi iran. A gha rri uwẹ oya adeghẹ te uwẹ ghọghọ ye emwi ne ọ rruan ọmwa ọvbehe.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 19:22

Ifaegbua nọ ne a gha zuan, ivbiogue ọ re ọ maa sẹ avbe ọhọn ohoghe.

Itan 19:7

Uhin ighe etẹn ovbiogue i vbe ka ẹe ye ọmwa, ghe emwi ne ọ si ẹe ne ẹ i na mwẹ ọse. Vbene ọ khọn rẹn wẹ ne ọ ziga sẹ hẹ, ẹ i miẹn.

Itan 26:12

Ọzuọ ne ọ ghi wa kọn sẹ vbe ehia, ọ maa sẹ ọmwa ne ọ ro wẹ rẹn wan vbe ne ẹ i na wan hiehiere.

Itan 26:5

Rhie ewanniẹn oya ye inọta oya, ẹghẹ nii, ọmwa ne ọ nọ ọta nii, gha do rẹn wẹ rẹn i re ekpakpasusu ne ọ ke egbe ẹre yi.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Jerimaia 45:5

Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 26:11

Ẹghẹ hia ọre avbe ivbiogue gha ya gu wa gha rrọọ, sokpan mẹ i ra gha gu wa rrọọ ẹghẹ hia.

Iyẹn ne ọ Maan Ọghe Luk 14:13

U gha le evbare, ya tie avbe ivbiogue, avbe arọe, avbe uke kevbe arhuaro,

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 11:20

Ẹmwata ọnii khin. A giagia iran kua rhunmwuda ighẹ uwẹ yayi. Sokpan, ghẹ tọn egbe mu gbe ye ẹmwẹ na, vberriọ, gie ohan gha mu ẹn.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

Ebe ne Pọl gbẹẹn gie emwa Rom 15:5

Ne Osanobua, obọ ọmwa ne i ziengbe kevbe a rhie ẹtin ye ọmwa iwu ke rre, gie uwa sẹtin gha zẹ iro kugbe, vbe emwi ne uwa ru, vbe ekpa ne uwa gha na gha lele igiemwi Jesu.

Ebe ne Pọl gbẹẹn gie emwa Rom 6:2

Hiehiere. Ma wu hin orukhọ rre nẹ, vbe a ghi ra na vbe dọlegbe gha yin uyinmwẹ ọnrẹn hẹ?

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

I Kọrinti 4:10

Ma khian akpa rhunmwuda Kristi, sokpan wa hia khian umẹwaẹn vbe uwu Kristi! Ma khian ne ọ maa wo vbe egbe, sokpan wa wo vbe egbe! A tila ima an, sokpan, a ya ọghọ ne uwa.

I Kọrinti 6:5

Wa gie ekhue gha mu uwa! Ẹ i mwẹ a ma miẹn ọmwa ọkpa ne ọ waan vbe uwu uwa, ne ogha sẹtin bu ohiẹn etẹn eva ni muan ẹmwẹ.

I Kọrinti 8:2

Ọmwa ne ọ ro ighẹ rẹn rẹn emwi, ọ ma he rẹn emwi sẹ vbene ọ te kei nẹẹn.

II Kọrinti 13:11

Banbanna nian, etẹn mwẹ, wa ọ khian ẹdẹ ọkpa. Wa gha ru ẹe ne ọ gba ne uwa, wa gha rhie ẹmwẹ mwẹ ye ehọ wa gie ẹmwẹ uwa gha gue kugbe, wa gha rrọọ vbe uwu ọfumwegbe. Osanobua aho ẹmwẹ ọmwa kevbe ọfumwegbe gha vbe gu uwa gha rrọọ.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 3:16

Vbene ọnii a rhirhi gha ye hẹ, wa gie ima rhie owẹ lele ukpowẹ ne ima la de usin do sẹ wanwan na.

Filipai 4:2

Yuodia kevbe Sintike, wa lahọ, I rinmwian uwa ne uwa dọlọ kugbe zẹ vbe etẹn ne ikhuo vbe uwu Nọyaẹnmwa.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.

III Jọn 1:9

I gbẹn ebe ne ọ ma tan gie esọsi, sokpan Diotrẹfis ne ọ ho ne irẹn gha re ọkaolotu iran, ma kue zẹ ye ẹmwẹ ne I tae hiehiere.