Ebe ne Pọl gbẹẹn gie emwa Rom 12:13 - Edo Bible (E Baibol Ẹdo) Version 1996

¹³ Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Ebe ne Pọl gbẹẹn gie emwa Rom 12:13 ပူးပေါင်းရင်းမြစ်များ

II Ọba 4:10

Gie ima bọ ughugha kherhe ye odukhunmwu ne a mu ukpo ne a ya vbiẹ, eteburu kevbe aga ye evba, ne a vbe mu ukpa yọ ne ọ gha di evba ya ẹghẹ ne ọ rhirhi do ya tuẹ ima.”

Psalm 41:1

Afiangbe nọ ne ọmwa ne ọ mu ọghe ovbiogue ro; e Nọyaẹnmwa gha ye iran obọ vbe ẹghẹ ibaro.

Itan 31:20

Ọ zẹ emwi obọ ne avbe ivbiogue ke ni i mwẹ.

Matiu 25:35

Ẹghẹ vbe ovbamẹ gbe mwẹ, wa rhie evbare mẹ re, ovbamẹ gbe mwẹ, wa sa amẹ mẹ wọn. I re orhunmwuyẹn, wa keghi rhie mwẹ la owa uwa.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 4:35

Iran na gha viọ igho ne iran miẹn vbọ gie avbe ukọ, iran ghi vbe gha igho ni gba emwa hia obọ, vbe ne ọ gha sẹ iran lo.

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

I Kọrinti 16:15

Wa rẹn Stefanas kevbe ẹgbẹe ọre, iran ọre emwa ni ka gha yayi vbe Gris, iran keghi wa mu egbe ye ẹmwẹ ne a gha ga emwa Osanobua. Wa lahọ etẹn mwẹ,

II Kọrinti 9:1

Ne a ghẹ wẹ I ma zẹdẹ gbẹn ebe gie uwa nọ, vbe ekpa iyobọ ne a ra ru gie emwa Osanobua ni rre Judia.

II Kọrinti 9:12

Rhunmwuda, iwinna ne uwa winna na, ẹ i re wẹ wa yae rrọ emwa Osanobua rre ọkpa, sokpan ọ kevbe gie ekpọnmwẹ ọkpọnmwẹ ẹse gha tue ladian ghe Osanobua.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Taitọs 1:8

Ọ kere ne ọ gha re ọmwa ne obọ ẹse tọlọ, kevbe ne emwi ne ọ maa yẹẹ, ọ ghi gha re ọmwa ne ọ rẹn enegbe, ne ọ mudia ẹse, ne ọ huanrẹn, kevbe ne a ma ẹre emwi.

Taitọs 3:14

Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

Failimọn 1:7

Ọtẹn mwẹ ne ọ ghan, aho ẹmwẹ ọmwa ruẹn wa yẹ ọyẹnmwẹ sẹ mwẹ ẹsẹsẹmwẹse, ọ keghi vbe rhie ẹtin yọ mwẹ iwu, rhunmwuda, u ye ekhọe emwa Osanobua hia gua kpao.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.

I Jọn 3:17

Adeghẹ ọmwa re ọmwa ne ọ fe, ọ keghi miẹn wẹ ọtiọnrẹn rre uwu a i mwẹ, sevba ekhọe ẹre keghi ye rri ghe ọtiọnrẹn, vbe ọ gha na sẹtin kha hẹ yi wẹ, aho ẹmwẹ ọmwa Osanobua rre uwu ekhọe ẹre?

III Jọn 1:5

Ọse mwẹ ne ọ ghaan, u mobọ wa mu aro ye ẹmwẹ iwinna ne u winna ne avbe etẹn, uhin vbe a vbe miẹn wẹ, erriọvbe ọre iran khin.