Ebe ne Pọl gbẹẹn gie emwa Rom 12:11 - Edo Bible (E Baibol Ẹdo) Version 1996

¹¹ Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

Ebe ne Pọl gbẹẹn gie emwa Rom 12:11 ပူးပေါင်းရင်းမြစ်များ

Ẹksọdọs 5:17

Ọba keghi wanniẹn wẹẹ, “Wa ọre ọ sii ẹe, avbiẹrẹ wa khin, avbiẹrẹ, ọnii ọ sii ẹe ne uwa na kha wẹẹ, ‘Gie ima ya zọ ese ne Nọyaẹnmwa.’

Itan 10:26

Ghẹ we ne ọmwa oroho ru emwi nuẹn, ọ gha ye egbe balọ ọ gberra okikan vbe akọn ruẹn, ra ighogho vbe aro ruẹ.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 18:9

Ọmwa oroho kevbe ọka ẹrhia, okpa ọ re iran eveva khin.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Itan 31:15

Ẹdẹ i he gbe vbe ọ kpaegbe ya gha le evbare ne emwa owa ẹre, kevbe ne ọ vbe tama avbe eguọmwadia ikhuo ni gue ẹe iwinna ne iran gha winna.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Aizaia 56:10

Ọ wẹẹ, “Avbe emwa hia ne a te wẹ ne iran gha gie odẹ ma emwa mwẹ ehia rhu aro. Iran ma rẹn emwirhọkpa. Iran yevbe avbe ekita abodẹ ne ẹ i gbọọ, iran ghi lovbiẹ fua iran ghi gha mina. U miẹn vbene ovbe rhiẹnrhiẹn iran hẹ!

Matiu 24:12

Ọkhọ gha miotọ sẹrriọ ne a gha na miẹn wẹẹ aho ẹmwẹ ọmwa eni bun gha worua.

Matiu 25:26

Arowa ẹre keghi wanniẹn tama rẹn wẹẹ, ‘Wẹ ne ọguọmwadia dan, ne emitan, ugbẹn vbe u ghi rẹn ighẹ I rhọ emwiokọ vbe ehe ne I ma kọ yi, I vbe si koko vbe ehe ne I ma zagha emwiokọ kui.

Iwinna 18:25

Avbe ma ẹre emwi vbe ekpa Nọyaẹnmwa, ọ keghi wa gha ya egbesasamwẹ kpe orhu, ọ na vbe gha ma emwa emwi ne ọ gbae vbekpa ẹmwata ne ọ rre ẹmwẹ Jesu. Sokpan isamẹ ọghe Jọn ọkpa ọre ọ rẹnrẹn.

Iwinna 20:19

Ke ameve kevbe imuegberriotọ ọre I ya winna iwinna mwẹ zẹ vbe ọguọmwadia e Nọyaẹnmwa vbe uwu ọlọghọmwa ne I miẹn vbe ne avbe Ju na gha khuan khẹ mwẹ.

I Kọrinti 7:22

Rhunmwuda, ọviẹn ne Osanobua tie nẹ, nọyan egbe ẹre ghi nọ vbe obọ Nọyaẹnmwa, erriọ vbe nọ zẹẹ, ọmwa ne ọ yan egbe ẹre ne Kristi tie re, ọviẹn ọnrẹn nọ.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.

I Timoti 5:13

Iran ghi vbe gha mu ẹghẹ rhia, vbe ne iran na ke owa ọkpa la ọvbehe, ne ọ ghi wa rhia sẹ vbọ ọrọre wẹ, iran ghi gha re ne ọ na iyẹn ẹrrẹe, arraile, iran ghi gha mu ukpẹ ye ẹmwẹ ne ọ ma khẹ ke iran.

Hibru 12:28

Rhunmwuda ọnii nian, wa gie ima kpọnmwẹ ye ọna wẹ, arriọba ne a i sẹtin mu rueghe ọre ọ sẹ ima obọ. Wa gie ima kpọnmwẹ Osanobua ne a vbe gae vbe ọghọ kevbe ute, zẹ vbe ne ọ gha yẹ ọre.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 4:8

Ke odaro emwi hia, wa gha ya ẹko ata ho ẹmwẹ egbe, rhunmwuda, aho ẹmwẹ ọmwa gbe ebe gue orukhọ ni bun.

Arhie Maan 2:4

Sokpan ẹzọ ruẹ ne I gui ọrọre wẹ, u i ghi ho ẹmwẹ mwẹ vbene u te ka gha ho ẹmwẹ mwẹ vbe ẹghẹ okaro.