Ebe ne Pọl gbẹẹn gie emwa Rom 12:10 - Edo Bible (E Baibol Ẹdo) Version 1996

¹⁰ Wa kakabọ gha ho ẹmwẹ egbe zẹ vbe etẹn vbe uwu Kristi, wa gie ẹe gha bọbọ uwa egbe ighẹ ẹmwẹ ọghọ na rhie ne egbe.

Ebe ne Pọl gbẹẹn gie emwa Rom 12:10 ပူးပေါင်းရင်းမြစ်များ

Gẹnẹsis 13:9

Gie ima wannegbe. Lahọ zẹ obọ ne ọ yẹ ruẹ sẹ vbe otọe na ne u sẹ mwẹ rae, wẹ ghi laghe obọ ọkpa ne imẹ laghe obọ nọkpa.”

Job 1:4

Ivbi e Job ghi gha le evbare tie egbe sowa ọsegbe ọsegbe. Iran ghi vbe gha tie etẹn iran nikhuo ne iran do gu iran rri evbare.

Psalm 133:1

U miẹn vbene ọ maa hẹ u miẹn vbe ọ vbe rhiẹnrhiẹn hẹ ne emwa Osanobua gha gu egbe yin vbe ọfumwegbe.

Jerimaia 38:12

Ọ keghi tama mwẹ wẹ ne I viọ avbe osẹ mwẹ ukpọn nii ye ototọ irere ne i rri ghẹ bolo mwẹ egbe. I keghi ru vberriọ.

Matiu 20:26

Sokpan ọ ghe uwa i sẹtin gha ye vberriọ. Ne ọ rhirhi gha ho ne irẹn gha re ne ọ kpọlọ vbe uwu uwa, wẹ nẹ ọ gha re ọguọmwadia ni dekẹe.

Iyẹn ne ọ Maan Ọghe Luk 14:10

Ne ọ maa sẹ ọrọre wẹẹ, a gha tie ruẹ, ya tota ye odieke gbaan, ne a miẹn wẹ ọmwa ne ọ tie ruẹ gha ghi rre, ọ ghi tama ruẹn wẹ, ‘Ọse mwẹ, larre do tota ye ehe ne ọ maa sẹ vbe edinran.’ Ẹghẹ nii, u ghi ye gẹdẹgbẹẹ vbe aro iran ne a tiere nii.

Iyẹn ne ọ Maan Ọghe Jọn 15:17

Rhunmwuda ọnii, iyi ne I yi ne uwa ọrọre wẹ ne uwa gha ho ẹmwẹ egbe.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iwinna 4:32

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

Kọlose 1:4

Rhunmwuda, ma họn ẹmwẹ iyayi uwa vbe uwu Kristi Jesu kevbe aho ẹmwẹ ọmwa ne uwa mwẹ ghe emwa Osanobua hia.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

Hibru 13:1

Wa gha ho ẹmwẹ egbe zẹ vbe etẹn vbe uwu Kristi.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

II Pita 1:7

wa ghi rhie aho ẹmwẹ ọmwa ne ọ rre ẹkpo etẹn ba aruemwi vbene ọkhọ ọghe Osanobua uwa, wa ghi rhie aho ẹmwẹ ọmwa ba aho ẹmwẹ ọmwa ne ọ rre ẹkpo etẹn uwa.

I Jọn 4:11

Ọse mwẹ ni ghaan, a deghẹ Osanobua ho ẹmwẹ mwa vbenian, ọ vbe kei khekherriọ ne ima gha ho ẹmwẹ egbe.

I Jọn 4:20

Adeghẹ ọmwa ọkpa khare wẹ, “Mẹ ho ẹmwẹ Osanobua,” ọ na gha khuiwu ọtiọnrẹn, ọhọn ohoghe nọ, rhunmwuda adeghẹ ọ ma ho ẹmwẹ ọtiọnrẹn ne ọ dẹghe, ẹ i ra sẹtin ho ẹmwẹ Osanobua ne irẹn i dẹghe.