Ebe ne Pọl gbẹẹn gie emwa Rom 11:4 - Edo Bible (E Baibol Ẹdo) Version 1996

⁴ De ewanniẹn ne Osanobua ghi rhie nẹẹn? Ọ wẹẹ, “I ye mwẹ arhin arriaisẹn ihinrọn, emwa ne ọ ma ya uhunmwu rhanmwẹ otọ ne Bal ne ẹbọ ohoghe.”

Ebe ne Pọl gbẹẹn gie emwa Rom 11:4 ပူးပေါင်းရင်းမြစ်များ

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:18

Sokpan, I gha sẹ arhiẹn arriaisẹn ihinrọn (7,000) rae vbe Izrẹl, emwa ni rhie egbe mu mwẹ, emwa ni ma he vbokho igue rre ne Bal ra ne iran ya unu soso amazẹ ẹre unu.”

Aizaia 4:3

Emwa hia ne a ghi sẹrae vbe Jerusalẹm, iran ne Osanobua hannọọ zẹ vbọ wẹ ne ọ miẹn uhunmwu, a gha tie iran nọhuanrẹn.

Jerimaia 19:5

Iran bọlọ Ogiukpo ne Baal ne iran na gha giẹn ivbi ran an ya gha zọ ese. Mẹ ma tama iran ne iran ru emwi na, ọ ma vbe gha rrọ mwẹ ekhọe vbe ẹghẹ ikẹ ghẹ.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Zẹfanaia 1:4

“I gha rri emwa ni rre Jerusalẹm oya deba ivbi e Juda hia, I gha fuẹn ọnrẹn uan ighe iyama ọghe Baal ne iran gho vbe evba, a i ghi vbe miẹn ọmwa ne ọ gha ye avbe ohẹn ẹbọ ni gho ẹre rre ọvbehe.

Nọmbas 25:3

ighẹ Bal ọghe Peọ. Ohu iran keghi mu e Nọyaẹnmwa.

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Giọgis 2:13

Iran fi iyeke gbe ugamwẹ e Nọyaẹnmwa, iran na ya gha gho avbe Bal kevbe Astat.