Ebe ne Pọl gbẹẹn gie emwa Rom 11:20 - Edo Bible (E Baibol Ẹdo) Version 1996

²⁰ Ẹmwata ọnii khin. A giagia iran kua rhunmwuda ighẹ uwẹ yayi. Sokpan, ghẹ tọn egbe mu gbe ye ẹmwẹ na, vberriọ, gie ohan gha mu ẹn.

Ebe ne Pọl gbẹẹn gie emwa Rom 11:20 ပူးပေါင်းရင်းမြစ်များ

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Itan 28:14

Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

Itan 28:26

Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Ebe ne Pọl gbẹẹn gie emwa Rom 11:18

Rhunmwuda ọnii, wa ghẹ zan iran ne a giagia kua zẹ vbe abọ. De emwi ne uwa ya hio yi? Abọ ọre uwa khin kẹkan ẹ i re uwa ọre ọ da ẹzi erhan yi, inian ọre ọ da uwa yi.

Ebe ne Pọl gbẹẹn gie emwa Rom 11:21

Osanobua ma sẹ avbe Ju ni ye vbe abọnabọ rae, wẹ ma yayi ighẹ ọ gha sẹ uwẹ ra?

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

Ebe ne Pọl gbẹẹn gie emwa Rom 12:3

Rhunmwuda, ẹsọhẹ Osanobua ne ọ ya ru mwẹ ẹse, I tama uwa hia wẹẹ, wa ghẹ mwa egbe ye ukpo ne ọ gberra ehe ne ọ ke yi. Sokpan wa gha re ne ẹ i si ukankan vbe iro ne uwa zẹ, ne dọmwadẹ ọghọe vbe uwu uwa gha mwa egbe ẹre ye vbene Osanobua rhie iyayi nẹẹn sẹ.

Ebe ne Pọl gbẹẹn gie emwa Rom 3:3

A deghẹ eso vbe uwu iran ghi khian ne ọ hiẹ ọmwa vbo? Te ọnii ghi rhie maa ighẹ Osanobua gha vbe rhunmwuda ọnii hiẹ ọmwa ra?

I Kọrinti 10:12

Ọmwa ne ọ ro ighẹ rẹn mudia nẹ, ọ mwẹ ẹwaẹn ne ọ ghẹ ya de.

I Kọrinti 15:1

Etẹn mwẹ, I ho ni dọlegbe ye uwa ẹre rre ighẹ Iyẹn Ne ọ maa ne I kpe orhu ẹre ma uwa, ne uwa vbe rhan obọ miẹn nẹ, kevbe ne iyayi uwa mudia yan gbain.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

II Kọrinti 1:24

Ẹ i re te ima tae ye uwa obọ wẹ, ghe emwi ne uwa gha yayi, rhunmwuda wa tobọ uwa mudia nẹ gbain vbe uwu iyayi, sokpan te ima deba uwa winna ne ọyẹnmwẹ uwa.

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

Filipai 2:12

Rhunmwuda ọnii, ọse mwẹ ni ghan, vbene uwa wa gha họn ẹmwẹ mẹ ẹghẹ ne I na rre ehe ne uwa ye, ẹghẹ na ọre ọ na mobọ ke nian ne uwa gha họn ẹmwẹ mẹ vbe ne a ghi na miẹn na ighẹ I i ghi rre ehe ne uwa ye. Wa gha ya ohan kevbe uguọmwẹ winna khian, ne uwa miẹn ehe na ru ẹmwẹ imiẹnfan uwa fo,

Kọlose 2:7

Wa gie inian uwa dinmwi ye uwu irẹn, wa hẹnhẹn ẹdẹ agbọn uwa yan irẹn, ne uwa gha wegbe yọ vbe uwu iyayi uwa, zẹ vbene a ma uwa ẹre. Wa gie ẹko uwa vuọn ne ekpọnmwẹ.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 3:19

Ma miẹn ọẹn nian wẹ iran ma sẹtin la owa rhunmwuda iran ma yayi.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Hibru 4:6

Iran ni ka họn Iyẹn Ne ọ maa na, ma la owa ya gu Osanobua hẹwẹ, rhunmwuda iran ma yayi. Rhunmwuda ọnii, emwa ọvbehe rrọọ khekherriọ ne a ghi giẹe la owa ya gu Osanobua hẹwẹ.

Jems 2:19

Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

I Pita 5:9

Mudia gbain vbe uwu iyayi ruẹ ne u vbe werriẹ aro igbinna da ẹre, rhunmwuda, ọ kere ne u rẹn wẹ, avbe ivbi iyayi ne ihua ni rre agbọn na hia, egbe oya vberriọ ọre iran wa vbe re khian na.

Arhie Maan 18:7

Wa rhie oya kevbe irhia ẹko nẹẹn zẹ vbe uyi kevbe uyinmwẹ ọmọ ne ọ fuẹn ukhu, ne ọ rhie ne egbe ẹre, rhunmwuda, te irẹn wa gha tama egbe ẹre wẹẹ, ‘I tota vbe emwa, vbe ọba ne okhuo I i re okhuo ne ẹ i mwẹ ọdọ I i ra rẹn irhia ẹko ẹdẹ.’

Arhie Maan 3:17

U khare wẹ, ‘I fe nẹ, obọ gue mwẹ, emwi ne I ho gba mẹ.’ Sokpan, u ma rẹn ighẹ agbọn ọrhiae ne a gbe ọsọre na, ọre u ye. Ovbiogue ọre u khin, te u bannọ uan, te u rhu aro.