Ebe ne Pọl gbẹẹn gie emwa Rom 11:14 - Edo Bible (E Baibol Ẹdo) Version 1996

¹⁴ U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

Ebe ne Pọl gbẹẹn gie emwa Rom 11:14 ပူးပေါင်းရင်းမြစ်များ

Gẹnẹsis 29:14

E Leban keghi tama rẹn wẹẹ, “Erriọ nọ vbe ẹmwata ma i zẹdẹ re ehiyo.” E Jekọb keghi tota vbe evba la uki ọkpa.

II Samuẹl 19:12

Wa ọrọre etẹn mwẹ, esagiẹn ọkpa, kevbe efun mwẹ, vbe uwa ghi na re emwa okiekie hẹ ne ọ gha dọlegbe rhie mwẹ gha di owa.”

Ebe ne Pọl gbẹẹn gie emwa Rom 10:19

I ye vbe dọlegbe nọ wẹẹ, Ivbi Izrẹl ma gele rẹn ra? Mosis ọre ọ ka rhie ewanniẹn yọ wẹẹ, “I gha ye uwa khian ne oya ẹvbo ne ọ maa sẹ ẹvbo ghi daa I ghi vbe ye uwa gha mu ohu ẹvbo ne ọre ẹvbo akpa.”

Ebe ne Pọl gbẹẹn gie emwa Rom 11:11

Te imẹ ghi nọọn nian: Ẹghẹ ne avbe Ju na rrua owẹ, te iran wa dele guọghọ ua ra? Hiehiere! Rhunmwuda ne iran na ru orukhọ, imiẹnfan keghi do sẹ egbe iran ne ẹ i re Ju, ne oya iran miẹn ehe na gha da avbe Ju.

Ebe ne Pọl gbẹẹn gie emwa Rom 9:3

Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

I Kọrinti 10:33

Wa gha ru vbene I ru. Te imẹ hia ne I gha yin ẹse ma emwa hia vbe emwi hia ne I ru, vbene imẹ i na mu ẹmwẹ ọ maa ọghe egbe mwẹ roro, gberra ọ maa ọghe emwa hia vbene iran gha na miẹn imiẹnfan hẹ.

I Kọrinti 7:16

Vbe uwẹ a ya rẹn hẹ yi, wẹ ne amwẹ ne ọ yayi, ighẹ u i ra sẹtin miẹn ọdafọn fan? Ra wẹ ne ọdọ ne ọ yayi, vbe uwẹ ya rẹn hẹ ighẹ wẹ i ra sẹtin miẹn amwọ ọn fan?

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

I Timoti 4:16

Gha rhuan egbe ne u vbe gha ya emwi ne u ma emwa ẹre ẹro. Gha ru avbe emwi na khian, rhunmwuda, u gha ru vberriọ, u gha miẹn egbe ruẹ kevbe iran ni danmwehọ ruẹ fan.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Failimọn 1:12

I khian gi ẹe werriegbe bu ruẹ gha dee nian, vbene ọ dee orhiọn mwẹ lele ẹe dee.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Jems 5:20

wa ye ọ na rre. Ọmwaikọmwa ne ọ dia ọmwa orukhọ uhunmwu hin odẹ dan ne ọ te ye ladian, rẹn gha miẹn orhiọn ọmwa orukhọ nii fan hin obọ uwu, ọ ghi vbe gie a ya orukhọ ọkhọngborrie bọ ọmwa.