Ebe ne Pọl gbẹẹn gie emwa Rom 11:11 - Edo Bible (E Baibol Ẹdo) Version 1996

¹¹ Te imẹ ghi nọọn nian: Ẹghẹ ne avbe Ju na rrua owẹ, te iran wa dele guọghọ ua ra? Hiehiere! Rhunmwuda ne iran na ru orukhọ, imiẹnfan keghi do sẹ egbe iran ne ẹ i re Ju, ne oya iran miẹn ehe na gha da avbe Ju.

Ebe ne Pọl gbẹẹn gie emwa Rom 11:11 ပူးပေါင်းရင်းမြစ်များ

Ezikiẹl 18:23

Wẹ yayi wẹ te ẹko rhiẹnrhiẹn mwẹ vbe ọmwa dan a wu ra?” Ọta ne Nọyaẹnmwa ne Udazi nọrẹn ọ re ọnii khin. “Hiehiere, emwi ne I ho ọrọre ne ọ fiwerriẹ; ne ọ diagbọnya.

Ezikiẹl 18:32

E Nọyaẹnmwa ne Udazi khare wẹẹ, “Mẹ iho ne ọmwarhọkpa wu. Wa zobọ vbe orukhọ ne uwa ru, ne uwa he diagbọnya.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Iyẹn ne ọ Maan Ọghe Luk 20:16

Ọ gha re, ọ ghi do gbele iran uan, ọ ghi mu ugbo ni ne emwa ọvbehe gha gbearoghe.” Avbe emwa nii ghi họn ẹmwẹ na, iran wẹẹ, “Awua ne Osanobua.”

Iwinna 13:42

Ugbẹn vbe Pọl kevbe Banabas ghi wa ladian vbe Ọgua ediọn avbe emwa ni keghi khama iran wẹ ne iran vbe dọlegbe gha dee vbe Ẹdẹ Ikẹtin ne ọ lele ẹe, ne iran ye ta ẹmwẹ na ma iran sẹ ayọ.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Ebe ne Pọl gbẹẹn gie emwa Rom 10:19

I ye vbe dọlegbe nọ wẹẹ, Ivbi Izrẹl ma gele rẹn ra? Mosis ọre ọ ka rhie ewanniẹn yọ wẹẹ, “I gha ye uwa khian ne oya ẹvbo ne ọ maa sẹ ẹvbo ghi daa I ghi vbe ye uwa gha mu ohu ẹvbo ne ọre ẹvbo akpa.”

Ebe ne Pọl gbẹẹn gie emwa Rom 11:1

Te I mẹ ghi nọọn nian. Te Osanobua ghi he emwa rẹn ra? Hiehiere, mẹ tobọ mwẹ, ovbi Izrẹl mẹ khin, ovbi uniẹn Ebraham, ẹwae emwa Bẹnjamin.

Ebe ne Pọl gbẹẹn gie emwa Rom 11:12

Afiangbe wọrhọ ọre orukhọ ne avbe Ju ru rhie gie agbọn. Ogue ẹmwẹ orhiọn iran keghi rhie afiangbe wọrhọ gie iran ne ẹ i re Ju. Wẹ ma ghi la evba rẹn ighẹ a gha viọ avbe Ju hia la owa, afiangbe ne ọ gha la evba rre gha mobọ kpọlọ sẹ ẹsẹse.

Ebe ne Pọl gbẹẹn gie emwa Rom 11:14

U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

Ebe ne Pọl gbẹẹn gie emwa Rom 11:31

Erriọ vbe nọ, rhunmwuda itohan ne uwa miẹn rhie, avbe Ju keghi do khian ne ẹ i họn ẹmwẹ Osanobua, ne iran miẹn ehe na miẹn itohan rhie ẹghẹ na.