Ebe ne Pọl gbẹẹn gie emwa Rom 10:7 - Edo Bible (E Baibol Ẹdo) Version 1996

⁷ “Erriọ ghẹ vbe kha wẹẹ, ‘De ọmwa ne ọ ra yo agbọn ne ọ rre uwu otọ?’ ” (Ọnii nọ wẹ ne ọ ya rhie Kristi ke orinmwi gha dee.)

Ebe ne Pọl gbẹẹn gie emwa Rom 10:7 ပူးပေါင်းရင်းမြစ်များ

Iyẹn ne ọ Maan Ọghe Luk 8:31

Avbe orhiọn esu keghi rinmwian Jesu wẹ ne Ọ ghẹ hẹ iran ku uvun eghan avbe orhiọn esu.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.