Ebe ne Pọl gbẹẹn gie emwa Rom 10:19 - Edo Bible (E Baibol Ẹdo) Version 1996

¹⁹ I ye vbe dọlegbe nọ wẹẹ, Ivbi Izrẹl ma gele rẹn ra? Mosis ọre ọ ka rhie ewanniẹn yọ wẹẹ, “I gha ye uwa khian ne oya ẹvbo ne ọ maa sẹ ẹvbo ghi daa I ghi vbe ye uwa gha mu ohu ẹvbo ne ọre ẹvbo akpa.”

Ebe ne Pọl gbẹẹn gie emwa Rom 10:19 ပူးပေါင်းရင်းမြစ်များ

Jerimaia 10:14

Emwa nagbọn gha miẹn ọna, iran ghi khian ni ọ zurọ ni i mwẹ ẹwaẹn, iran ni mannọ amazẹ ma rẹn emwi ne iran ru, rhunmwuda, ẹbọ nii, iran i mwẹ arrọọ, ohoghe vbe nọ.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Hozia 2:23

I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 11:11

Te imẹ ghi nọọn nian: Ẹghẹ ne avbe Ju na rrua owẹ, te iran wa dele guọghọ ua ra? Hiehiere! Rhunmwuda ne iran na ru orukhọ, imiẹnfan keghi do sẹ egbe iran ne ẹ i re Ju, ne oya iran miẹn ehe na gha da avbe Ju.

Ebe ne Pọl gbẹẹn gie emwa Rom 11:14

U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

Ebe ne Pọl gbẹẹn gie emwa Rom 3:26

Sokpan banbanna nian, vbe ẹghẹ ne a ghi ye na, ọ rhuan orukhọ emwa ne agbọn ghe, ne ọ miẹn ehe na rhie maa iran ighẹ rẹn ya emwa khian emwata vbe odaro irẹn. Odẹ vbe nian ọre Osanobua ya rhie maa ighẹ ọmwata ọre irẹn tobọ ẹre khin, kevbe wẹ ọmwaikọmwa ne ọ mu ẹtin yan Jesu, te irẹn ya ẹe khian ọmwata.

I Kọrinti 1:12

Gu mwẹ wa tae vbe nian wẹ ẹmwẹ ughughan wa hia ta. Orhiọnkpa ghi wẹ, “Otu e Pọl mẹ ye,” ọmwa ọvbehe ghi vbe wẹẹ, “Otu Apọlọs mẹ ye.” Eso ghi vbe wẹ, “Otu e Pita mẹ ye,” eso ghi vbe wẹ, “Otu e Kristi mẹ ye.”

I Kọrinti 10:19

De emwi ne I yae kha yi? Wẹ ẹbọ ra emwi ne ya ru ẹe mwẹ esa?

I Kọrinti 11:22

Wa i mwẹ owa obọ uwa ra, ehe ne uwa gha na gha re, ne uwa vbe gha daa? Ra te uwa zan esọsi Osanobua ne uwa vbe gha fa iran ne ẹ i mwẹ ruan? Vbe uwa we ne I gie uwa guan hẹ vbe emwi na yi? Ne I gha tian uwa ra? Hiehiere, I i zẹdẹ tian uwa.

I Kọrinti 12:2

Wa rẹnrẹn wẹ, ẹghẹ ne uwa na gha re emwa ni ga ẹbọ kẹkan, avbe amazẹ ọre ọ gha ye uwa ru enegbe iran, iran na vbe gha ye uwa ba odẹ ku vbe ẹghẹ hia.

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

I Kọrinti 7:29

Emwi ne I kha ọna khin etẹn mwẹ, ovbi ẹghẹ kherhe ma ghi mwẹ, kevbe ẹghẹ na kpao nian, wa gie emwa ni rhie okhuo gha yin zẹ vbe ọhae.

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

I Pita 2:10

Vbe ẹghẹ ọkpa yi, wa i te re emwa Osanobua, sokpan wanwan na nian, emwa rẹn wa ghi khin, wanwan na nian, wa miẹn itohan ẹnrẹn rhie nẹ.