Ebe ne Pọl gbẹẹn gie emwa Rom 10:18 - Edo Bible (E Baibol Ẹdo) Version 1996

¹⁸ Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 10:18 ပူးပေါင်းရင်းမြစ်များ

I Ọba 18:10

Ne I wa ye eni e Nọyaẹnmwa ne Osanobua vẹn ihẹn nian wẹ ehe i mwẹ ehe ne ọba ma he gualọ ọ la vbe otọe agbọn na. Ẹghẹ ne iran a rhirhi ya tama rẹn wẹ u i rre evba, ọ ghi ya enogie ẹvbo nii vẹn ihẹn wẹ ọ gha gele miẹn ọn.

Psalm 19:4

Sevba urhu iran ghi ya sẹ uhunmwu otọ agbọn hia a ghi vbe họn vbe ehe ne agbọn sẹe. Osanobua bọ owa ne owẹn vbe iso;

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Matiu 26:13

Wa yi ẹre ẹro, ehe ne a rhirhi na kporhu iyẹn ne ọ maa na vbe uhunmwu otọe agbọn hia, a gha vbe gha ta emwi ne ọ ru na ya ye ẹre rre.”

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Matiu 4:8

Iyeke ọnii, Esu keghi mu Jesu gha rrie uhunmwu oke ne ọ yo ẹsẹse, ọ keghi rhie arriọba otọ agbọn hia ma rẹn, ehe ne ọ sẹe, ehe ne ọ rhanmwẹ, ọ tama rẹn wẹẹ,

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iyẹn ne ọ Maan Ọghe Mak 16:20

Avbe erhuanegbe keghi ladian ya gha kpe orhu lele ehe hia khian. Nọyaẹnmwa keghi rhie obọ ba iwinna iran, ọ kegha ye ama kevbe ẹtin rhie ma wẹ, orhu ẹmwata ọre iran kpe e.] [

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Ebe ne Pọl gbẹẹn gie emwa Rom 1:8

Vbe okaro I kpọnmwẹ Osanobua mwẹ ne uwa hia vbe kpa Jesu Kristi rhunmwuda, uhunmwu otọ agbọn hia wa họn ẹmwẹ iyayi uwa.

Ebe ne Pọl gbẹẹn gie emwa Rom 15:19

La ekpa ẹtin, ama kevbe iwinna ọyunnuan kevbe ẹtin ọghe Orhiọn. Ọre a na miẹn wẹẹ I ke Jerusalẹm khian ya sẹ Ilirikọm. I kegha na ọna ọre ọ na fo ighẹ Iyẹn Ne ọ maa vbe ekpa Jesu Kristi.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.