Ebe ne Pọl gbẹẹn gie emwa Rom 10:17 - Edo Bible (E Baibol Ẹdo) Version 1996

¹⁷ Ọnii nọ wẹ a gha họn ẹmwẹ nii ọre a na yae yi, ekpa a kpe orhu Kristi ọre nene ẹmwẹ la rre.

Ebe ne Pọl gbẹẹn gie emwa Rom 10:17 ပူးပေါင်းရင်းမြစ်များ

Job 42:5

Ẹghẹ nii, emwi ne emwa ọvbehe tama mwẹ ọkpa ọre I rẹnrẹn, sokpan, banbanna nian mẹ ye aro mwẹ bẹghe nẹ.

Iyẹn ne ọ Maan Ọghe Mak 4:24

Rẹn keghi vbe tama iran wẹẹ, “Wa gha ya emwi ne uwa a rhirhi họn ẹro, uviẹn ne uwa lele bu ohiẹn emwa ọvbehe, ọre Osanobua ra vbe lele bu ohiẹn uwa, ne a kha wẹ, vbe obọ ne ọ tọn sẹ.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 8:11

“Emwi ne a ye itan ni kha ọ na khin. Emwiokọ ọrọre ẹmwẹ Osanobua,

Iyẹn ne ọ Maan Ọghe Luk 8:21

Jesu keghi tama iran hia wẹẹ, “Iye mwẹ kevbe etẹn mwẹ ọrọre avbe iran ni họn ẹmwẹ Osanobua, iran na vbe ya ẹe gha ru emwi.”

Iyẹn ne ọ Maan Ọghe Jọn 1:37

Erhuanegbe eva nii ghi họn vbe ọ ta ẹmwẹ na, iran keghi lele Jesu.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 10:14

Sokpan vbe iran gha na datie ẹre hẹ yi deghẹ iran ma yayi? Vbe iran gha na yayi hẹ deghẹ iran ma họn nene ẹmwẹ? Vbe iran gha na họn hẹ deghẹ i re te a kpe orhu ẹre.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

Galatia 3:2

Emwi ọkpa ọre I mobọ ho ne uwa tama mwẹ. A ru vbene nene Uhi kha re, ọre Orhiọn Kristi ya sẹ uwa obọ ra, ra vbe ekpa ne uwa na họn, wa na vbe ya iyẹn ne ọ maa yi nọ?

Galatia 3:5

Ẹghẹ ne Osanobua na rhie nene Orhiọn ne uwa, ne ọ na vbe winna iwinna ọyunnuan vbe ehe ne uwa ye, te ọ ru ẹe ra rhunmwuda ighẹ uwa ru vbene nene Uhi kha re, ra rhunmwuda ighẹ wa họn nene iyẹn ne ọ maa wa na vbe yae yi?

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

Hibru 4:2

Rhunmwuda, ma họn nene Iyẹn Ne ọ maa nẹ zẹ vbene iran vbe họn ẹn. Iran họn nene iyẹn ne ọ maa, sokpan ọ ma mwẹ emwi esi ọkpa ne ọ ru ne iran, rhunmwuda, ẹghẹ ne iran na họn ẹn iran ma ya iyayi miẹn rẹn.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.