Ebe ne Pọl gbẹẹn gie emwa Rom 10:16 - Edo Bible (E Baibol Ẹdo) Version 1996

¹⁶ Sokpan ẹ i re iran hia ọre ọ rhan obọ miẹn nene Iyẹn Ne ọ maa. Aizaia tobọ ẹre tae wẹ, “Nọyaẹnmwa, de ọmwa ne ọ ya ẹmwẹ ne ima tae yi?”

Ebe ne Pọl gbẹẹn gie emwa Rom 10:16 ပူးပေါင်းရင်းမြစ်များ

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Matiu 13:14

Rhunmwuda ọnii nian, ẹmwẹ ne Aizaia tae vbekpa ọna sẹe wẹẹ, “ ‘Wa gha rhie ehọ ye otọ, sokpan wa i rẹn emwi ne a yae kha. Wa gha rhan aro rua ye otọ, sokpan wa i ra ya e dẹghe.

Iyẹn ne ọ Maan Ọghe Jọn 10:26

Sokpan wa ma yayi rhunmwuda wa i re ohuan mwẹ.

Iwinna 28:24

Ẹmwẹ ọnrẹn keghi fi eso ekhọe werriẹ sokpan nekpa ma yayi.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Ebe ne Pọl gbẹẹn gie emwa Rom 16:26

Vbene ọ rhirhi gha ye hẹ, banbanna nian, a rhie ẹmwata ni ladian azagba nẹ la ekpa emwi ne avbe akhasẹ gbẹnnẹ, kevbe zẹ vbe ne Osanobua etẹbitẹ yi ẹre iyi, a rhie ẹre ma uhunmwu ẹvbo hia nẹ, ne emwa hia miẹn ehe na yayi, ne iran vbe gha ya ẹe ru emwi.

Ebe ne Pọl gbẹẹn gie emwa Rom 2:8

Emwa ọvbehe vberriọ ni rẹn ọghe enegbe iran ọkpa, iran ma ye obọ ye ẹmwẹ emwi ne ọre ẹmwata, ne iran miẹn ehe na gha lele emwi ne ẹ i re ẹmwata. Osanobua gha hihiẹ okuosu kevbe ohu ẹre yan iran.

Ebe ne Pọl gbẹẹn gie emwa Rom 3:3

A deghẹ eso vbe uwu iran ghi khian ne ọ hiẹ ọmwa vbo? Te ọnii ghi rhie maa ighẹ Osanobua gha vbe rhunmwuda ọnii hiẹ ọmwa ra?

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

Galatia 3:1

Wa ne emwa Galatia ne akpa. Gha ọ ruan uwa yi? Vbe odaro uwa zẹ, wa miẹn vbene a wa gie ẹre hẹ ighẹ uwu ne Jesu Kristi wu vbe uhunmwu ugbugbe!

Galatia 5:7

Wa te wa gha gbe ẹse. Gha ọ ghi da uwa obọ emwi ẹmwata ne uwa te ru yi yi? Vbe ọ ya sẹtin ya uwa ru ẹe hẹ yi?

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 4:2

Rhunmwuda, ma họn nene Iyẹn Ne ọ maa nẹ zẹ vbene iran vbe họn ẹn. Iran họn nene iyẹn ne ọ maa, sokpan ọ ma mwẹ emwi esi ọkpa ne ọ ru ne iran, rhunmwuda, ẹghẹ ne iran na họn ẹn iran ma ya iyayi miẹn rẹn.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.

I Pita 3:1

Erriọ wa vbe nọ zẹẹ, wa ne avbe amwẹ, wa gha gbe uhunmwu ke otọ ne avbe ọdafẹn uwa, vbene a gha na miẹn wẹ, a deghẹ eso vbe uwu iran ma yayi, iran ghi do rhunmwuda uyinmwẹ uwa yayi. Vbe ne uwẹ ighi na vbe ta ifi ẹmwẹ ọkpa.